ମହାଷ୍ଟମୀ ପରେ ପଶ୍ଚିମ ଓଡ଼ିଶା ପାଳିଲା ଭାଈ ଜିଉଁନ୍ତିଆ…

ସୋନପୁର: ମାଙ୍କ  ଅଷ୍ଟମୀ ପୂଜା ପରେ ପଶ୍ଚିମ ଓଡ଼ିଶାରେ ପାଳିତ ହୋଇଛି ଭାଈ ଜିଉଁନ୍ତିଆ । ଭାଇଙ୍କ ପାଇଁ ଶୁଭମନାସୀ  ଭଉଣୀମାନେ ଜିଉନ୍ତିଆ ପର୍ବ ପାଳନ କରିଛନ୍ତି । ପରମ୍ପରା ଅନୁଯାୟୀ, ମାଆ କନକ ଦୁର୍ଗା ଭାଇ ମହାବଳୀଙ୍କ ପାଇଁ ଜିଉନ୍ତିଆ ଓଷା କରିଥିଲେ । ଏଣୁ ଏହି ପରମ୍ପରାକୁ ବଜାୟ ରଖି ଭାଇଙ୍କ ପାଇଁ ବ୍ରତ ରଖେ ଭଉଣୀ । ଅଷ୍ଟମୀ ଦିନ ଦିନସାରା ନିର୍ଜଳା ଉପବାସ ରହି ସଂଧ୍ୟାରେ ଧୂପଦୀପ ନୈବେଦ୍ୟ ଚଢାଇ ଦେବୀ ଦୁର୍ଗାଙ୍କ ପୁଜା କରିଥାନ୍ତି ।

ସାତ ପ୍ରକାର ଫୁଲଫଳ ସହିତ ସାତଟି ଜୁଗାର କରି ପୂଜାର୍ଚ୍ଚନା କରିଥାନ୍ତି । ପୂଜା ସମାପ୍ତି ପରେ ଶହେ ଆଠ ଦୁବ ଓ ଅରୁଆ ଚାଉଳକୁ  ଯୁଉଁନ୍ତିଆରେ ବାନ୍ଧି ଦେବୀଙ୍କ ପାଖରେ ସମର୍ପି ଦେଇଥାନ୍ତି । ବଡି ଭୋରରୁ ବନ୍ଧାହୋଇଥିବା ଦୁବ ବିଡାକୁ ନେଇ ଭାଇକୁ ବନ୍ଦାପନା କରିଥାନ୍ତି ଭଉଣୀ ମାନେ ।