ଭଲ ଇଂରାଜୀ କହିବା ଏବଂ ହେଣ୍ଡସମ୍ ଦେଖାଯିବା ସବୁକିଛି ନୁହଁ: ଗେହଲୋଟ୍
1 min read
ଜୟପୁର: ବିଦା ହେବା ପରେ ଏବେ ଖୋଲାଖୋଲି ଚାଲିଛି ବିଷୋଦଗାର । ରାଜସ୍ଥାନ ମୁଖ୍ୟମନ୍ତ୍ରୀ ଏବଂ ନଗଦ ବିଦା ହୋଇଥିବା ଉପ ମୁଖ୍ୟମନ୍ତ୍ରୀଙ୍କ ମଧ୍ୟରେ ଥିବା ତିକ୍ତତା ଏବେ ସ୍ପଷ୍ଟ ଦୃଶ୍ୟମାନ ହେଉଛି । ଦୀର୍ଘ ଦିନର ଅସନ୍ତୋଷ ପରେ ଦଳ ବିରୋଧରେ ବିଦ୍ରୋହ ଘୋଷଣା କରିଛନ୍ତି ସଚିନ ପାଇଲଟ୍ । ଆଉ ଏହା ପରେ ଉଭୟଙ୍କ ମଧ୍ୟରେ ଖୋଲାଖୋଲି ଚାଲିଛି ବିଷୋଧଗାର ।
ନିର୍ବାଚନ ସମୟରେ ଲୋକଙ୍କୁ ଦେଇଥିବା ପ୍ରତିଶ୍ରୁତି କଂଗ୍ରେସ ପୂରା କରୁନି ବୋଲି ଅଭିଯୋଗ କରିଛନ୍ତି ପାଇଲଟ୍ । ଏଥିସହିତ ଗେହଲୋଟ୍ ସଚିନ୍ ଏବଂ ତାଙ୍କ ସମର୍ଥକଙ୍କୁ ରାଜସ୍ଥାନରେ ବିକାଶମୂଳକ କାର୍ଯ୍ୟ କରିବାକୁ ଦେଉନାହାନ୍ତି । ଅଧିକାରୀମାନଙ୍କୁ ମଧ୍ୟ ନିର୍ଦ୍ଦେଶ ପାଳନ ନକରିବାକୁ କୁହାଯାଇଥିବା ଅଭିଯୋଗ କରିଛନ୍ତି ପାଇଲଟ୍ ।
ତେବେ ଏହାର ଜବାବ ରଖିଛନ୍ତି ମୁଖ୍ୟମନ୍ତ୍ରୀ ଗେହଲୋଟ୍ । ସେ କହିଛନ୍ତି ଭଲ ଇଂରାଜୀ କହିବା, ବାଇଟ୍ ଦେବା ଏବଂ ହେଣ୍ଡସମ୍ ଦେଖାଯିବା ସବୁକିଛି ନୁହଁ । ତୁମ ହୃଦୟରେ ଦେଶ ପାଇଁ କ’ଣ ରହିଛି, ତୁମ ଆଦର୍ଶ, ନୀତି, ଏବଂ ପ୍ରତିଶ୍ରୁତି ହେଉଛି ସବୁକିଛି ।
Speaking good English, giving good bytes and being handsome isn't everything. What is inside your heart for the country, your ideology, policies, and commitment, everything is considered: Ashok Gehlot, Rajasthan Chief Minister pic.twitter.com/xHS5WzajWb
— ANI (@ANI) July 15, 2020
ସେ ଆହୁରି କହିଛନ୍ତି ଯେ, ଗତ ୪୦ ବର୍ଷ ହେଲା ସେ ରାଜନୀତିରେ ଅଛନ୍ତି । ଆମେ ନୂଆ ପିଢ଼ିକୁ ଭଲ ପାଉ । ଭବିଷ୍ୟତ ସେମାନଙ୍କର । ଏଥିସହିତ ଘୋଡ଼ା ବ୍ୟାପର ହୋଇଥିବା ନେଇ ବଡ଼ ଅଭିଯୋଗ ଆଣିଛନ୍ତି ଗେହଲୋଟ୍ । ଏହାର ପ୍ରମାଣ ଥିବା ମଧ୍ୟ ସେ କହିଛନ୍ତି । ଏଣୁ ବାଧ୍ୟ ହୋଇ ଗତ ୧୦ ଦିନ ହେଲା ବିଧାୟକମାନଙ୍କୁ ହୋଟେଲ୍ରେ ରଖାଯାଇଛି । ଯଦି ଆମ ପକ୍ଷରୁ ଏହା କରାଯାଇନଥାନ୍ତା ତା’ ହେଲେ ହୋଟେଲ ମାନେସରରେ ଯାହା ହୋଇଥିଲା ତାହାର ପୁନରାବୃତ୍ତି ହୋଇଥାନ୍ତା ।
Horse trading was being done in Jaipur, we have the proof. We had to keep people at a hotel for 10 days, if we had not done that, the same thing that is happening in Manesar now would have happened back then: Ashok Gehlot, Rajasthan Chief Minister pic.twitter.com/tFQT0GVqpj
— ANI (@ANI) July 15, 2020
