ମହୁଆ ମୈତ୍ରଙ୍କ ଉପରେ ରାଗିଲେ ବାଚସ୍ପତି ! କହିଲେ ତୁମେ ମୋତେ ଡାଇରେକ୍ସନ ଦେବ କି?

ନନ୍ଦିଘୋଷ ବ୍ୟୁରୋ: ଲୋକସଭାରେ ବଜେଟ ଉପରେ ଆଲୋଚନା ହେଉଥିବାବେଳେ ସାଂସଦ ମହୁଆ ମୈତ୍ରଙ୍କ ବୟାନ ବାଚସ୍ପତି ଓମ ବିର୍ଲାଙ୍କୁ ରାଗ ଆସିଥିଲା । କହି ରଖୁଛୁ କି, ଗୃହରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କଥା ଉଠିଥିଲା । ଯାହାକୁ ନେଇ ଟିମଏସି ସାଂସଦମାନେ ଗୃହରେ ହଟ୍ଟଗୋଳ କରିଥିଲେ । ପରେ ବିଜେପି ସାଂସଦ ଗୃହରେ ମମତାଙ୍କୁ ନେଇ ଏକ ବୟାନ ଦେଇଥିଲେ ।

ଏହାପରେ ଗୃହରେ ହୋହଲ୍ଲା ଦେଖା ଦେଇଥିଲା । ପରେ ବାଚସ୍ପତି ରାଗିବା ସହ କହିଥିଲେ କି, ଯିଏ ଗୃହର ସଦସ୍ୟ ନୁହଁନ୍ତି ତାଙ୍କ ସମ୍ପର୍କରେ ଆଲୋଚନା କରନ୍ତୁ ନାହିଁ । କିନ୍ତୁ ଟିଏମସି ସାଂସଦମାନେ ହଙ୍ଗାମା ଜାରି ରଖିଥିଲେ । ଏବଂ ମହୁଆ ମୈତ୍ର ବିଜେପି ସାଂସଦଙ୍କ ସସପେଣ୍ଡ ଡିମାଣ୍ଡ ରଖିଥିଲେ । ଏହାପରେ ବାଚସ୍ପତି ରାଗି ଯାଇ କହିଥିଲେ କି, ତୁମେ କଣ ମୋତେ ଡାଇରେକସନ ଦେବ । ଏହାପରେ ଅଭିଶେକ ବାନାର୍ଜୀ କହିଥିଲେ କି, ମମତା ଯଦି ଗୃହର ସଦସ୍ୟ ନୁହଁନ୍ତି ତାଙ୍କ ବିଷୟରେ ଯଦି ବିଜେପି ସାଂସଦ ଉଠାଇଛନ୍ତି ତାହେଲେ ସେ କ୍ଷମା ମାଗିବା ଉଚିତ । ତେବେ ଏହାକୁ ନେଇ ପୁଣିଥରେ ଓମ ବିର୍ଲା କହିଥିଲେ କି, ତୁମେ ମୋତେ ଡାଇରେକ୍ସନ ଦିଅ ନାହିଁ ।