ଦ୍ବିତୀୟ ଦିନରେ ବି ଗୃହରେ ହଟ୍ଟଗୋଳ, ସାଢ଼େ ୧୧ଟା ଯାଏଁ ମୁଲତବି

ଭୁବନେଶ୍ବର: ବଜେଟ୍ ଅଧିବେଶନର ଦ୍ବିତୀୟ ଦିନରେ ବି ଗୃହରେ ହଟ୍ଟଗୋଳ । ପ୍ରଶ୍ନକାଳ ଆରମ୍ଭରୁ ଗୃହରେ ହୋହଲ୍ଲା କରିଛନ୍ତି କଂଗ୍ରେସ ବିଧାୟକ । ବାଚସ୍ପତିଙ୍କ ପୋଡିୟମ ସାମ୍ନାରେ କଂଗ୍ରେସ ବିଧାୟକ ନାରାବାଜି କରିଛନ୍ତି ।

ଅନ୍ୟପଟେ କେନ୍ଦ୍ରୀୟ ଅବହେଳା ବିରୋଧରେ ଶାସକ ବିଜେଡି ପ୍ରତିବାଦ କରିଛି । ଅଚଳାବସ୍ଥା ଲାଗି ରହିବାରୁ ଗୃହକୁ ଦିନ ସାଢ଼େ ୧୧ଟା ଯାଏଁ ମୁଲତବି କରିଛନ୍ତି ବାଚସ୍ପତି ।

ସେହିପରି ଜୟ ନାରାୟଣଙ୍କୁ ବିଜେଡି କରିଛି ତୀବ୍ର ପ୍ରତିବାଦ। ଜୟ ନାରାୟଣଙ୍କୁ ବିରୋଧୀ ଦଳ ପଦରୁ ହଟାଇବାକୁ ଦାବି କରିଛି ବିଜେଡି। ଜୟ ନାରାୟଣଙ୍କ ବିରୋଧରେ ଅପରାଧିକ ମାମଲା ଥିବା ବେଳେ, ଗୃହରେ ମହିଳା ବିଧାୟିକା ମଧ୍ୟ ଅସୁରକ୍ଷିତ ଥିବା କହିଛି ବିଜେଡି। ତୁରନ୍ତୁ ତାଙ୍କୁ ବିରୋଧୀ ଦଳ ପଦରୁ ହଟାଇବାକୁ ଦଳ ଦାବି କରିଛି । ଜୟନାରାୟଣଙ୍କ ବିରୋଧରେ ୧୬ଟି ଅପରାଧିକ ମାମଲା ରହିଛି। ଜୟନାରାୟଣ ମାନସିକ ଭାରସାମ୍ୟ ହରାଇଛନ୍ତି ବୋଲି ବିଜେଡି କହିଛି।