ନୂଆଦିଲ୍ଲୀ : ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନରେ ପହଞ୍ଚିଛି ମହାକାଶଚାରୀ ସୁନୀତା ୱିଲିୟମସଙ୍କୁ ଆଣିବାକୁ ଯାଇଥିବା ସ୍ପେସ୍ ଏକ୍ସର ମହାକାଶଯାନ ।
ଫାଲକନ୍ ୯ ରକେଟ ଜରିଆରେ ଫ୍ଲୋରିଡାରୁ ମହାକାଶକୁ ଯାତ୍ରା କରିଥିଲା ଡ୍ରାଗନ ସ୍ପେସକ୍ରାଫଟରେ କୃ-ନାଇନ୍ ମିଶନ୍ । ଯାହାକି ଇଣ୍ଟରନ୍ୟାସନାଲ ସ୍ପେସ୍ ଷ୍ଟେସନରେ ପହଞ୍ଚିଛି। ଏ ସଂପର୍କରେ ନାସା ପକ୍ଷରୁ ସୂଚନା ଦିଆଯାଇଛି।
ସ୍ପେସ୍ ଷ୍ଟେସନରେ ପହଞ୍ଚିବା ପରେ କୃ-ନାଇନରେ ମହାକାଶଚାରୀ ISS ରେ ପ୍ରବେଶ କରିଛନ୍ତି। ଏମାନେ ଆସନ୍ତା ଫେବୃଆରୀରେ ସେଠାରେ ଥିବା ସୁନୀତା ୱିଲିୟମ୍ସ ଓ ବଚ୍ ୱିଲମୋରଙ୍କୁ ଧରି ପୃଥିବୀ ପୃଷ୍ଠକୁ ଫେରିବେ। ସୁନୀତା ଏବଂ ୱିଲମୋର ଆଇଏସଏସ୍ ରେ ଜୁନ ମାସରୁ ଫସି କରି ରହିଛନ୍ତି। ବୋଇଂର ଷ୍ଟାର୍ ଲାଇନର୍ ସ୍ପେସ୍ କ୍ରାଫଟ ରେ ସମସ୍ୟା ଯୋଗୁଁ ସେମାନେ ଫେରି ପାରୁ ନାହାନ୍ତି। ସେମାନେ ମାତ୍ର ଆଠ ଦିନ ପାଇଁ ISS କୁ ଯାଇଥିଲେ। ଷ୍ଟାର୍ ଲାଇନର୍ ରେ ସମସ୍ୟା ପରେ ବହୁ ପରୀକ୍ଷା ନିରୀକ୍ଷା କରାଯାଇ ତାକୁ ଖାଲିରେ ଫେରାଇ ଅଣାଯାଇଥିଲା ଏବଂ ସେଥିରେ ଯାଇଥିବା ସୁନୀତା ଓ ୱିଲମୋରଙ୍କୁ ଫେରାଇ ଆଣିବାକୁ ଆଉ ଏକ ସ୍ପେସ୍ କ୍ରାଫଟ ପଠା ଯାଇଛି।
