ବିଶ୍ୱ ରେକର୍ଡ କଲା ସ୍ପେସ୍ ଏକ୍ସ: ଗୋଟିଏ ରକେଟରୁ ଲଞ୍ଚ୍ କଲା୧୪୩ଟି ସାଟେଲାଇଟ୍
1 min read
ନୂଆଦିଲ୍ଲୀ: ବିଶ୍ୱ ରେକର୍ଡ କଲା ସ୍ପେସ୍ ଏକ୍ସ । ଗୋଟିଏ ରକେଟରୁ ୧୪୩ଟି ସାଟେଲାଇଟ୍ ମହାକାଶକୁ ପଠାଇ ବିଶ୍ୱ ରେକର୍ଡ଼ କରିଛି ସ୍ପେସ୍ ଏକ୍ସ। ସ୍ପେସ୍ ଏକ୍ସ ଏହି ସାଟେଲାଇଟ୍ ଲଞ୍ଚ କରି ଭାରତର ପୂର୍ବ ରେର୍କଡ ଭାଙ୍ଗିଛି।
ପୂର୍ବରୁ ଭାରତ ଗୋଟିଏ ରକେଟରୁ ସର୍ବାଧିକ ୧୦୪ଟି ସାଟେଲାଇଟ୍ ମହାକାଶକୁ ପଠାଇଥିଲା। ତେବେ ସ୍ପେସ୍ ଏକ୍ସ ୧୪୩ଟି ସାଟେଲାଇଟ ପଠାଇ ସବୁ ରେକର୍ଡ଼ ଭାଙ୍ଗିଦେଇଛି। ସବୁ ସାଟେଲାଇଟକୁ ଫାଲକନ୍-୯ ଯୋଗେ ଲଞ୍ଚ୍ କରାଯାଇଛି । ଫ୍ଲୋରିଡ଼ାର କେପ୍ କେନୱଲ ସହରରୁ ଉତ୍କ୍ଷେପଣ କରାଯାଇଥିବା ସାଟେଲାଇଟ୍ ଭାରତ ଉପର ଦେଇ ଯାଇଥିଲା । ବେଙ୍ଗାଲୁରୁସ୍ଥିତ ଇସ୍ରୋ ମୁଖ୍ୟାଳୟରେ ବୈଜ୍ଞାନିକମାନେ ସାଟେଲାଇଟର ସିଗ୍ନାଲ୍କୁ ଟ୍ରାକ୍ କରିଥିଲେ।
ସୂଚନାଯୋଗ୍ୟ, ସ୍ପେସ୍ ଏକ୍ସ ହେଉଛି ଏଲନ ମସ୍କଙ୍କ କମ୍ପାନୀ । ଏହି କମ୍ପାନୀ ସାଟେଲାଇଟ୍ ଲଞ୍ଚ କରିବାକୁ ୧୯ ଲକ୍ଷ ଡଲାର ନେଇଥାଏ। ଗତ ଡିସେମ୍ବରରେ ଏହି ସାଟେଲାଇଟ୍ ଲଞ୍ଚ ହେବାର ଥିଲା । ହେଲେ କିଛି ବୈଷୟିକ ତ୍ରୁଟି ଯୋଗୁ ଏହାକୁ ସ୍ଥଗିତ ରଖାଯାଇଥିଲା।
