ଯୁବପିଢିଙ୍କୁ ସାଙ୍ଗରେ ନେଇ ଓଡ଼ିଶାର ଦ୍ୱିତୀୟ ଉଚ୍ଚତମ ପର୍ବତ ଚଢିଲେ ସାରା, ବାଣ୍ଟିଲେ ସୁସ୍ଥ ରହିବାର ବାର୍ତ୍ତା

ଗଜପତି: ନିଜେ ପାହାଡ଼ ଚଢିଲେ ଯୁବପିଢିଙ୍କୁ ପାହାଡ଼ ଚଢାଇଲେ । ନିଜକୁ ସୁସ୍ଥ ରଖିବା ପାଇଁ ଏହା ହେଉଛି ଏକ ଉତ୍ତମ କୌଶଳ । ସବୁବେଳେ କିଛି ନୂଆ କରି ଦେଖାଉଥିବା ଗଜପତି ଏସପି ସାରା ଶର୍ମାଙ୍କ ପୁଣି ଏକ ନିଆରା ପଦକ୍ଷେପ । କିଛି ନୂଆ କରି ଦେଖାଇବା ଲକ୍ଷ୍ୟରେ ସେ ଜାରି ରଖିଛନ୍ତି ପ୍ରୟାସ ।

ଶରୀରକୁ ସୁସ୍ଥ ରଖିବା ପାଇଁ ଆମକୁ ସବୁବେଳେ ପରିଶ୍ରମ କରିବାକୁ ପଡ଼ିଥାଏ । ଏ ନେଇ ପାଣିରେ ପହଁରିବା ଏବଂ ପାହାଡ଼ ଚଢିବା ଭଳି ଦୁଃସାହସିକ କ୍ରୀଡା ପ୍ରତି ଉତ୍ସାହିତ କରିଛନ୍ତି ସାରା । କିଛି ଆଗ୍ରହୀ ଯୁବକଙ୍କୁ ନେଇ ମହେନ୍ଦ୍ରଗିରି ପାହାଡ଼ ଶିଖରକୁ ଚଢିବାର ଅଭ୍ୟାସ ଆରମ୍ଭ କରିଛନ୍ତି । ନିଜେ ଏସପି ସାରା ଶର୍ମା ମଧ୍ୟ ସାମିଲ ହୋଇଛନ୍ତି । ଏହା ଓଡ଼ିଶାର ଦ୍ୱିତୀୟ ଉଚ୍ଚତମ ପର୍ବତ ମହେନ୍ଦ୍ରଗିରି । ଏଥିରେ ଜିଲ୍ଲାର ବିଭିନ୍ନ ସ୍ଥାନରୁ ବହୁ ଯୁବକଯୁବତୀ ଅଂଶଗ୍ରହଣ କରିଛନ୍ତି ।