ଭାରତ-ଦକ୍ଷିଣ ଆଫ୍ରିକା ଟେଷ୍ଟ ସିରିଜ୍: ଦକ୍ଷିଣ ଆଫ୍ରିକା ଆଗରେ ୩୦୫ ରନର ବିଜୟ ଲକ୍ଷ୍ୟ

ସେଞ୍ଚୁରିୟନ: ଦକ୍ଷିଣ ଆଫ୍ରିକାର ସେଞ୍ଚୁରିୟନଠାରେ ଖେଳାଯାଉଛି ଭାରତ-ଦକ୍ଷିଣ ଆଫ୍ରିକା ପ୍ରଥମ ଟେଷ୍ଟ । ଏହି ମ୍ୟାଚରେ ଦକ୍ଷିଣ ଆଫ୍ରିକା ସାମ୍ନାରେ ଭାରତ ୩୦୫ ରନର ବିଜୟ ଲକ୍ଷ୍ୟ ରଖିଛି । ଦ୍ୱିତୀୟ ଇନିଂସରେ ଭାରତର ବ୍ୟାଟିଂ ବିପର୍ଯ୍ୟୟ ଘଟିଥିଲା । ଭାରତ ମାତ୍ର ୧୭୪ ରନ କରି ଅଲଆଉଟ ହୋଇଥିଲା । ଯାହା ଫଳରେ ଦକ୍ଷିଣ ଆଫ୍ରିକା ସାମ୍ନାରେ ଭାରତ ୩୦୫ ରନର ବିଜୟ ଲକ୍ଷ୍ୟ ରଖିଛି । ଭାରତ ପକ୍ଷରୁ ଦ୍ୱିତୀୟ ଇନିଂସରେ ସର୍ବାଧିକ ୩୪ ରନ ଋଷଭ ପନ୍ତ କରିଥିବାବେଳେ ଦକ୍ଷିଣ ଆଫ୍ରିକା ପକ୍ଷରୁ ମାର୍କୋ ଜନସନ୍ ଓ କଗିସୋ ରାବାଡା ୪ଟି ଲେଖାଏଁ ଓ୍ୱିକେଟ ନେଇଥିବାବେଳେ ଲୁଙ୍ଗି ଏଙ୍ଗିଡି ଦୁଇଟି ଓ୍ୱିକେଟ ଅକ୍ତିଆର କରିଥିଲେ ।

That's the end of India's second innings as they are all out for 174 runs.

Set a target of 305 runs for South Africa.

Scorecard – https://t.co/eoM8MqSQgO #SAvIND pic.twitter.com/ZUqXvrlJxB

— BCCI (@BCCI) December 29, 2021

ଆଜି ଚତୁର୍ଥ ଦିନ ଖେଳ ଆରମ୍ଭରୁ ଭାରତ ଖରାପ ଆରମ୍ଭ କରିଥିଲା । ଚତୁର୍ଥ ଦିନରେ ଭାରତର ବ୍ୟାଟିଂ ବିପର୍ଯ୍ୟୟ ହୋଇଥିଲା । ଦକ୍ଷିଣ ଆଫ୍ରିକା ବୋଲର ଲଗାତର ଭାବରେ ଓ୍ୱିକେଟ ଅକ୍ତିଆର କରି ଭାରତକୁ ବ୍ୟାକଫୁଟକୁ ଠେଲି ଦେଇଥିଲା । ଭାରତ ପକ୍ଷରୁ କେଏଲ ରାହୁଲ ୨୩, ଚେତେଶ୍ୱର ପୂଜାରା ୧୬, ବିରାଟ କୋହଲି ୧୮, ଆଜିଙ୍କେ ରାହାଣେ ୨୦ ଓ ଅଶ୍ୱିନୀ ୧୪ ରନ କରିଥିଲେ । ଭାରତର ୪ ଜଣ ଖେଳାଳି ଦୁଇ ଅଙ୍କ ଛୁଇଁ ପାରିନଥିଲେ । ତେବେ ଏହି ମ୍ୟାଚକୁ ଜିତିବାକୁ ଭାରତକୁ ଦକ୍ଷିଣ ଆଫ୍ରିକାକୁ ୩୦୫ ରନ ପୂର୍ବରୁ ଅଲଆଉଟ କରିବାକୁ ପଡ଼ିବ ।