ଟି-ଟ୍ବେଣ୍ଟି ବିଶ୍ବକପ ଫାଇନାଲରେ ଦକ୍ଷିଣ ଆଫ୍ରିକା

ନନ୍ଦିଘୋଷ ବ୍ୟୁରୋ : ଟି-ଟ୍ବେଣ୍ଟି ବିଶ୍ବକପ ଫାଇନାଲରେ ଦକ୍ଷିଣ ଆଫ୍ରିକା । ଆଫଗାନିସ୍ତାନ ବିପକ୍ଷରେ ଦମଦାର ବିଜୟ ସହ ଦକ୍ଷିଣ ଆଫ୍ରିକାକୁ ମିଳିଛି ଫାଇନାଲ ଟିକେଟ । ସେମିଫାଇନାଲରେ ଏକପାଖିଆ ବିଜୟ ହାସଲ କରିଛି ଦକ୍ଷିଣ ଆଫ୍ରିକା । ଆଫଗାନିସ୍ତାନକୁ ୯ ୱିକେଟରେ ହରାଇବା ସହ ମାତ୍ର ୮ ଓଭର ୫ଟି ବଲରେ ଦଳ ବିଜୟ ହାସଲ କରିଛି । ଏଥିସହ ପ୍ରଥମ ଥର ପାଇଁ ଫାଇନାଲରେ ପହଞ୍ଚିଛି ସାଉଥ ଆଫ୍ରିକା । ପ୍ରଥମ ସେମିଫାଇନାଲ ଟକ୍କରରେ ପ୍ରଥମେ ଆଫଗାନିସ୍ତାନ ବ୍ଯାଟିଂ କରିଥିଲା । ମାତ୍ର ଆରମ୍ଭରୁ ଦଳ ବିପର୍ଯ୍ୟୟକୁ ସାମ୍ନା କରିଥିଲା । ମାତ୍ର ୫୬ ରନରେ ଅଲଆଉଟ ହୋଇଯାଇଥିଲା ଆଫଗାନିସ୍ତାନ । ୧୧.୫ ଓଭରରେ ସମସ୍ତ ୱିକେଟ ହରାଇ ଦଳ ୫୬ ରନ କରିବାକୁ ସକ୍ଷମ ହୋଇଥିଲା । ଆଫଗାନିସ୍ତାନର ଓମରଜାଇ ସର୍ବାଧିକ ୧୦ ରନ କରିଥିବାବେଳେ ଅନ୍ଯ କୌଣସି ଖେଳାଳି ଦୁଇ ଅଙ୍କ ମଧ୍ଯ ଛୁଇଁପାରିନଥିଲେ । ଦକ୍ଷିଣଆଫ୍ରିକାର ଜନସନ ଓ ସାମସି ୩ଟି ଲେଖାଏଁ ୱିକେଟ ନେଇଥିବାବେଳେ ରାବଡ଼ା ଓ ନଟିଜେ ୨ଟି ଲେଖାଏଁ ୱିକେଟ ନେଇଥିଲେ । ୫୭ ରନର ବିଜୟ ଲକ୍ଷ୍ଯକୁ ନେଇ ପଡ଼ିଆକୁ ଓହ୍ଲାଇଥିବା ଦକ୍ଷିଣଆଫ୍ରିକା ଆରମ୍ଭରୁ ଭଲ ପ୍ରଦର୍ଶନ କରିଥିଲା । ଡିକକ ୫ ରନ କରି ଆଉଟ ହୋଇଥିବାବେଳେ ହେନଡ୍ରିକ୍ସ ୨୯ ଓ ମାରକ୍ରମ ୨୩ ରନ କରି ଦଳକୁ ବିଜୟୀ କରାଇଛନ୍ତି । ଏହାସହ ପ୍ରଥମ ଥର ପାଇଁ ଟି-ଟ୍ବେଣ୍ଟି ବିଶ୍ବକପ ଫାଇନାଲକୁ ଯାଇଛି ଦକ୍ଷିଣ ଆଫ୍ରିକା ।

ଆଜି ଦ୍ବିତୀୟ ସେମିଫାଇନାଲରେ ଭାରତ ଓ ଇଂଲଣ୍ଡ ମଧ୍ଯରେ ମହାମୁକିବା ହେବ । ଏଥିରେ ଯେଉଁଦଳ ବିଜୟୀ ହେବ ସେହିଦଳ ସହ ଆସନ୍ତା ୨୯ ତାରିଖରେ ଦକ୍ଷିଣ ଆଫ୍ରିକାର ଫାଇନାଲ ଟକ୍କର ହେବ ।