ବିରାଟଙ୍କୁ ଅଧିନାୟକ ପଦରୁ ହଟାଇବାର କାରଣ କହିଲେ ବିସିସିଆଇ ସଭାପତି

ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ବୁଧବାର ସନ୍ଧ୍ୟାରେ ଦିନିକିଆରେ ନୂଆ ଅଧିନାୟକଙ୍କ ନାଁ ଘୋଷଣା କରିଛି । ଦିନିକିଆରେ ବିରାଟ କୋହଲିଙ୍କ ସ୍ଥାନରେ ରୋହିତ ଶର୍ମାଙ୍କୁ ଅଧିନାୟକ ପଦରେ ନିଯୁକ୍ତି ଦେଇଛି ବିସିସିଆଇ । ଟି-୨୦ ଅନ୍ତର୍ଜାତୀୟରେ ଅଧିନାୟକ ପଦ ଛାଡିବା ପରେ ଦିନିକିଆରେ ମଧ୍ୟ ବିରାଟଙ୍କ ଅଧିନାୟକ ପଦ ଯାଇଛି । ଅନ୍ୟପକ୍ଷରେ ବୁଧବାର ରୋହିତଙ୍କୁ ଦିନିକିଆରେ ଅଧିନାୟକ ଭାବରେ ନିଯୁକ୍ତି କରିବା ପରେ ପ୍ରଥମ ଥର ପାଇଁ ମୁହଁ ଖୋଲିଛନ୍ତି ବିସିସିଆଇ ସଭାପତି ସୌରଭ ଗାଙ୍ଗୁଲି ।

ବିରାଟଙ୍କୁ କାହିଁକି ଦିନିକିଆରେ ଅଧିନାୟକ ପଦରୁ ହଟାଇଲେ ତାହାକୁ ନେଇ ଗୁରୁବାର ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ମୁହଁ ଖୋଲିଛନ୍ତି । ଗାଙ୍ଗୁଲି କହିଥିଲେ କି ବିରାଟ କୋହଲି ଟି-୨୦ରେ ଅଧିନାୟକ ପଦରେ ରହିବାକୁ ମନା କରିଥିଲେ । ଯାହା ଫଳରେ ଚୟନ କମିଟି ଦିନିକିଆରେ ରୋହିତ ଶର୍ମାଙ୍କୁ ଅଧିନାୟକ ପଦ ଦେବାକୁ ସ୍ଥିର କରିଥିଲା । ରୋହିତ ଶର୍ମାଙ୍କୁ ୨୦୨୩ ଦିନିକିଆ ବିଶ୍ୱକପ ପର୍ଯ୍ୟନ୍ତ ଅଧିନାୟକ ପଦରେ ନିଯୁକ୍ତି ଦେଇଛନ୍ତି ।

ବିସିସିଆଇ ଅଧ୍ୟକ୍ଷ ନ୍ୟୁଜ ଏଜେନ୍ସି ପିଟିଆଇକୁ କହିଛନ୍ତି କି ଆମେ ବିରାଟ କୋହଲିଙ୍କୁ ଅନୁରୋଧ କରିଥିଲୁ କି ସେ ଟି-୨୦ରେ ଅଧିନାୟକ ପଦ ନ ଛାଡନ୍ତୁ । କିନ୍ତୁ ବିରାଟ ଟି-୨୦ରେ ଅଧିନାୟକ ପଦ ଛାଡିଥିଲେ । ଏହା ପରେ ଚୟନ କର୍ତ୍ତା ସୀମିତ ଓଭର କ୍ରିକେଟରେ ଦୁଇ ଜଣ ଅଲଗା ଅଲଗା ଅଧିନାୟକ ରଖିବା ପାଇଁ ଉଚିତ ମନେ କରିନଥିଲେ । ଯାହା ଫଳରେ ରୋହିତ ଶର୍ମାଙ୍କୁ ଦିନିକିଆରେ ଅଧିନାୟକ ଭାବରେ ନିଯୁକ୍ତି ଦିଆଗଲା ।

ରୋହିତ ଶର୍ମା ସୀମିତ ଓଭରରେ ଅଧିନାୟକ ଭାବରେ ନିଯୁକ୍ତି ହେଲା ପରେ ଗାଙ୍ଗୁଲି କହିଛନ୍ତି କି ଆମର ରୋହିତଙ୍କ କ୍ୟାପଟେନ୍ସି ଉପରେ ପୂରା ଭରସା ଅଛି । ବିରାଟ କୋହଲି ଏବେ ବି ଟେଷ୍ଟ ଦଳର ନେତୃତ୍ୱ ନେଉଛନ୍ତି । ତେବେ ବିସିସିଆଇ ନିଶ୍ଚିତ ଅଛି ଯେ ଭାରତୀୟ କ୍ରିକେଟ ସଠିକ୍ ଦିଗରେ ଯାଉଛି । ସୀମିତ ଓଭର କ୍ରିକେଟରେ ବିରାଟ କୋହଲିଙ୍କ ଅଧିନାୟକତ୍ୱ ପାଇଁ ଆମେ ତାଙ୍କୁ ଧନ୍ୟବାଦ ଦେଉଛୁ ବୋଲି କହିଛନ୍ତି ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ।