ପ୍ରତିଦିନ ସୌମ୍ୟଙ୍କ ବିରୋଧରେ ବଢୁଛି ଅଭିଯୋଗର ଲମ୍ବା ତାଲିକା

ଭୁବନେଶ୍ୱର: ଋଣ ଜାଲିଆତି ମାମଲାରେ ତନାଘନା । ସମ୍ବାଦ ଅଫିସରେ EOWର ମାରାଥନ ଯାଞ୍ଚ । EOW ସହ ସାମିଲ ହୋଇଛି କଟକ ସାଇବର ପୋଲିସ୍ । ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଜବତ କରିଛି ତଦନ୍ତକାରୀ ଟିମ୍ । ଅନ୍ୟପଟେ ବ୍ୟାଙ୍କ ଫ୍ରଡ ମାମଲାରେ ଦୁଇ ଘଣ୍ଟାର ଜେରା ପରେ EOWରୁ ବାହାରିଛନ୍ତି ଓଡ଼ିଶା ଗ୍ରାମ୍ୟ ବ୍ୟାଙ୍କ କର୍ମଚାରୀ । କେମିତି ହୋଇଥିଲା ବ୍ୟାଙ୍କ ଫ୍ରଡ ସେ ନେଇ ଗୁଡେଇ ତୁଡେଇ ପଚାରିଛି ଇଓଡବଲ୍ୟୁ ।

କେମିତି ଜାଲ କାଗଜ ପତ୍ର ଦେଇ ଲୋନ ଦିଆଯାଇଥିଲା ? ଜୟଦେବ ବିହାର ସ୍ଥିତ ଓଡ଼ିଶା ଗ୍ରାମ୍ୟବ୍ୟାଙ୍କର ବ୍ରାଞ୍ଚ ମ୍ୟାନେଜର ସମେତ ୨ ଅଧିକାରୀଙ୍କୁ ପଚରାଉଚରା କରୁଛି ଇଓଡବଲ୍ୟୁ । ସମ୍ପୃକ୍ତ ବ୍ୟାଙ୍କରୁ ଅଧିକାଂଶ ସାମ୍ବାଦିକଙ୍କ ନାଁରେ ସମ୍ବାଦ କର୍ତ୍ତୃପକ୍ଷ ଲୋନ ଉଠାଇଥିବା ନେଇ ଅଭିଯୋଗ ହୋଇଛି । ଅନ୍ୟ ଲୋନ୍ ଜାଲିଆତି ଜଣାପଡ଼ିବା ପରେ ପ୍ରତିଦିନ ସୌମ୍ୟଙ୍କ ବିରୋଧରେ ବଢୁଛି ଅଭିଯୋଗର ଲମ୍ବା ତାଲିକା ।