ସୋର : ପୋଲିସ ପରିଚୟ ଦେଇ ଟ୍ରକରୁ ଚାନ୍ଦା ମାଗୁଥିବା ବେଳେ ଖଇରା ପୋଲିସ ଦ୍ୱାରା ଯୁବକ ଗିରଫ l ବାଲେଶ୍ୱର ଜିଲ୍ଲା ଖଇରା ଅଂଚଳରେ ନକଲି ପୋଲିସ କର୍ମଚାରୀ ଗିରଫ l ସୋର ଥାନା ଅନ୍ତର୍ଗତ ଅନନ୍ତପୁର ଗ୍ରାମର ଅଜୟ ପଣ୍ଡାଙ୍କର ଟ୍ରକ କୁପାରୀ ଅଂଚଳରୁ ଚିପ୍ସ ନେଇ ସୋରକୁ ଆସୁଥିବା ବେଳେ ତୋରାଣିପଦା ଛକ ନିକଟରେ ୪ ଜଣ ଯୁବକ ଟ୍ରକକୁ ଅଟକାଇ ପୋଲିସ କର୍ମଚାରୀ କହି କାଗଜପତ୍ର ଯାଞ୍ଚ କରିବା ସହିତ ଟଙ୍କା ମାଗିଥିଲେ l ବାଧ୍ୟ ହୋଇ ଅଜୟ ଏକ ଫୋନ ପେ ନମ୍ବରକୁ ୩ ହଜାର ଟଙ୍କା ମଧ୍ୟ ଦେଇଥିଲେ l ପରେ ଜାଣିବାକୁ ପାଇଥିଲେ ଟ୍ରକ ଅଟକାଇ ଥିବା ଯୁବକ ମାନେ କୌଣସି ପୋଲିସ କର୍ମଚାରୀ ନୁହନ୍ତି l ପରେ ଅଜୟ ଖଇରା ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପରେ ଖଇରା ଆଇଆଇସି ଜନ ପଟ୍ଟନାୟକ ତଦନ୍ତ କରି ଅର୍ଜୁନପୁର ଗ୍ରାମର ମହି ରଞ୍ଜନ ଦାସଙ୍କୁ ଗିରଫ କରି କୋର୍ଟଚାଲାଣ କରିଛନ୍ତି l
