ବିମାନରେ ଫଟୋ ଆଙ୍କି ସୋନୁଙ୍କୁ ସମ୍ମାନ ଦେଲା ସ୍ପାଇସଜେଟ୍

ମୁମ୍ବାଇ: କରୋନାକାଳରେ ବଲିଉଡ୍ ଅଭିନେତା ସୋନୁ ସୁଦଙ୍କର ଅତୁଳନୀୟ ଅବଦାନ ପ୍ରତିଟି ଲୋକଙ୍କର ହୃଦୟରେ ଛାପି ହୋଇ ରହିଛି। ଆଉ ଏଥିପାଇଁ ତାଙ୍କୁ ବିଭିନ୍ନ ସ୍ଥାନରେ ସମ୍ମାନିତ ବି କରାଯାଇଛି । ଆଉ ଏବେ ତାଙ୍କୁ ମିଳିଛି ଆଉ ଏକ ବଡ଼ ସମ୍ମାନ। ସ୍ପାଇସଜେଟର ସ୍ୱତନ୍ତ୍ର ବିମାନରେ ତାଙ୍କ ପ୍ରତିଛବି ଅଙ୍କାଯାଇ ତାଙ୍କୁ ସମ୍ମାନିତ କରାଯାଇଛି।

Remember coming from Moga to Mumbai on an unreserved ticket.
Thank you everyone for all the love. Miss my parents more. @flyspicejet pic.twitter.com/MYipwwYReG

— sonu sood (@SonuSood) March 20, 2021

କରୋନା ସମୟରେ ସୋନୁ ସୁଦ ଦେଶ ବିଦେଶର ବିଭିନ୍ନ ସ୍ଥାନରେ ଫଶି ରହିଥିବା ଲୋକମାନଙ୍କୁ ଫୋରାଇ ଆଣି ସମସ୍ତଙ୍କ ମନ ଜିତିଥିଲେ। ସୋନୁଙ୍କ ଏହି ଅବଦାନକୁ ସମ୍ମାନ ଜଣାଇବା ପାଇଁ ସ୍ପାଇସଜେଟ୍ ଏକ ସ୍ୱତନ୍ତ୍ର ବିମାନ ତିଆରି କରିଛି। ସ୍ପାଇସଜେଟ୍ ଏହାର ବୋଇଙ୍ଗ ୭୩୭ ବିମାନରେ ସୋନୁଙ୍କ ପ୍ରତିଛବି ଆଙ୍କି ତାଙ୍କୁ ସମ୍ମାନିତ କରିଛି।

ସେନୁ ଏହି ଫଟୋଗୁଡ଼ିକୁ ନିଜ ସୋସିଆଲ ମିଡିଆ ଆକାଉଣ୍ଟରୁ ଶେଆର୍ କରି ସ୍ପାଇସ ଜେଟକୁ ଧନ୍ୟବାଦ ବି ଜଣାଇଛନ୍ତି । ଏଥି ସହିତ ସେ ନିଜର ପୂରୁଣା ସ୍ମୃତିକୁ ବି ମନେ କପକାଇଛନ୍ତି। ସେ ଲେଖିଛନ୍ତି, ‘ଏହା ମୋତ ମୋର ବିନା ରିଜର୍ଭେଶନରେ ପଞ୍ଜାବରୁ ମୁମ୍ବାଇକୁ ଆସିଥିବା ଯାତ୍ରା କଥା ମନେପାକାଇଦେଲା । ଆଜି ମୋର ମାତା-ପିତାଙ୍କ କଥା ବହୁତ ମନେପଡ଼ୁଛି। ଧନ୍ୟବାଦ ସ୍ପାଇସ ଜେଟ୍।’