୧ ଲକ୍ଷ ଲୋକଙ୍କୁ ଚାକିରି ଦେବାକୁ ଘୋଷଣା କଲେ ସୋନୁ

1 min read

ମୁମ୍ବାଇ: ବଲିଉଡ ଅଭିନେତା ସୋନୁ ସୁଦ ପୁଣି ଚର୍ଚ୍ଚାରେ। ନିଜ ଉଦାରତା ପାଇଁ ସେ ପୁଣି ଥରେ ଲୋକଙ୍କ ଚର୍ଚ୍ଚାର କେନ୍ଦ୍ର ପାଲଟିଛନ୍ତି। ସେ ପ୍ରାକୃତିକ ଦୁର୍ବିପାକ ହେଉ କି ମହାମାରୀ କରୋନା। ଦେଶକୁ ଯେତେବେଳେ ସାହାଯ୍ୟର ଆବଶ୍ୟକତା ପଡ଼ିଛି ସେ ହାତ ମେଲାଇ ସାହାଯ୍ୟ କରିଛନ୍ତି। କରୋନା ସମୟରେ ତାଙ୍କର ଅତୁଳନୀୟ ଅବଦାନ ପ୍ରତିଟି ଲୋକଙ୍କର ହୃଦୟରେ ଛାପି ହୋଇ ରହିଛି। କରୋନା ସମୟରେ ସୋନୁ ଦେଶ ବିଦେଶର ବିଭିନ୍ନ ସ୍ଥାନରେ ଫଶି ରହିଥିବା ଲୋକମାନଙ୍କୁ ଫୋରାଇ ଆଣି ସମସ୍ତଙ୍କ ମନ ଜିତିଥିଲେ। ଏହା ପରେ ମଧ୍ୟ ସେ ନିଜର ଏହି ମହତ କାର୍ଯ ଜାରି ରଖିଛନ୍ତି ।  କେତେବେଳେ ଚାଷୀମାନଙ୍କୁ ଟ୍ରାକ୍ଟର ଯୋଗାଇଦେଉଛନ୍ତି ତ କେତେବେଳେ ଛାତ୍ରଛାତ୍ରୀମାନଙ୍କୁ ଅନଲାଇନ୍ କ୍ଲାସ୍ ପାଇଁ ମୋବାଇଲ୍ ଦାନ କରୁଛନ୍ତି। ଯଥା ସମ୍ଭବ ସେ ଗରିବ ଓ ଅସହାୟଙ୍କୁ ସାହାଯ୍ୟ କରିଚାଲିଛନ୍ତି । କିନ୍ତୁ ବର୍ତ୍ତମାନ ସୋନୁ କରିଛନ୍ତି ଏକ ବଡ଼ ଘୋଷଣା। ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ।  ସୋନୁ ସୋନୁ ଏବେ ୧ ଲକ୍ଷ ବେରୋଜଗାରଙ୍କୁ ରୋଜଗାର୍ ଦେବାକୁ ଘୋଷଣା କରିଛନ୍ତି । ଆଉ ଏଥିସହ ସେ ଏବେ ୧୦ କୋଟି ଲୋକଙ୍କର ଜୀବନ ବଦଳେଇବାକୁ ଯାଉଛନ୍ତି।

ସୋନୁ ଟ୍ୱିଟରରେ ନିଜର ଏହି ଉଚ୍ଚାଭିଳାଷୀ ଯୋଜନାକୁ ସେୟାର କରିଛନ୍ତି। ଯେଉଁଥିରେ ସେ ଏକ ଲକ୍ଷ ଲୋକଙ୍କ ପାଇଁ ଚାକିରିର ବ୍ୟବସ୍ଥା କରିଛଥିବା କହିଛନ୍ତି। ଏଥିସହ ଏହି ଟ୍ୱିଟରେ ସେ ଏହା ମଧ୍ୟ କହିଛନ୍ତି ଯେ ନିଜର ଏହି କାର୍ଯ୍ୟ ଜରିଆରେ ସେ ଆସନ୍ତା ୫ବର୍ଷ ମଧ୍ୟରେ ପ୍ରାୟ ୧୦କୋଟି ଲୋକଙ୍କ ଜୀବନ ବଦଳେଇବାକୁ ଯୋଜନା କରୁଛନ୍ତି।

ସୋନୁ ସୁଦ ତାଙ୍କ ଟ୍ୱିଟରେ ଲେଖିଛନ୍ତି- ‘ନୂଆ ବର୍ଷ, ନୂଆ ଆଶା। ନୂତନ ଚାକିରିର ସୁଯୋଗ ଏବଂ ସେହି ସୁଯୋଗଗୁଡ଼ିକୁ ଆପଣଙ୍କ ନିକଟକୁ ଆଣିୁଥିବା ନୂଆ ଆମେ। ପ୍ରବାସି ଶ୍ରମିକ ଏବେ ଏବେ ଗୁଡ୍ ୱାର୍କର୍ । ଆଜି ହିଁ ଗୁଡ୍ ୱାର୍କର୍ ଆପ୍ ଡାଉନଲୋଡ୍ କରନ୍ତୁ ଏବଂ ନିଜର ଉତ୍ତମ ଭବିଷ୍ୟତର କାମନା କରନ୍ତୁ ।

ବାସ୍ତବରେ ସୋନୁ ଦେଶର ବେକେରୀମାନଙ୍କୁ ଚାକିରୀ ଦେବା ପାଇଁ ଏକ ଆପଲିକେଶନ୍ ଲଞ୍ଚ କରିଛନ୍ତି । ଆଉ ଏହାର ନାଁ ରଖିଛନ୍ତି ‘ଗୁଡୱାର୍କ’। ଏଥିସହ ସେ ’ #AbIndiaBanegaKaamyaab, #GoodWorker, #NaukriPaanaHuaAasaan  ଭଳି  ହ୍ୟାସଟ୍ୟାଗ ମଧ୍ୟ ଚଲାଉଛନ୍ତି ଯାହା କି ଏବେ ଟ୍ରେଣ୍ଡ କରୁଛି ।

ସୋନୁଙ୍କ ଏହି ଘୋଷଣା ପରେ ତାଙ୍କ ନିକଟକୁ ବିଭିନ୍ନ ମହଲରୁ ପ୍ରଶଂସା ର ସୁଅ ଛୁଟି ଆସୁଛି। ପୁଣିଥରେ ସୋନୁ ନିଜର ଉଦାରତାର ପରିଚୟ ଦେଇ ସମସ୍ତଙ୍କ ମନ ଜିତିନେଇଛନ୍ତି। ଜଣାଇଦେବାକୁ ଚାହୁଛୁ ଯେ ଏହା ପୂର୍ବରୁ ମଧ୍ଯ ସୋନୁଙ୍କର ଏହି ମିଶନରେ  ୧ ଲକ୍ଷ ୨୦ ହଜା ୫୨ଜଣଙ୍କୁ ଚାକିରି ଦିଆସରିଛି । ଆଉ ଏବେ ସେ ଆଉ ୧ ଲକ୍ଷ ଲୋକଙ୍କୁ ଚାକିରି ଦେବାକୁ ଯାଉଛନ୍ତି ।

Opn Commnet Area

Leave a Reply

Your email address will not be published. Required fields are marked *