ଶନିବାର କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକ: ଆଗାମୀ ରଣନୀତି ପ୍ରସ୍ତୁତ କରିବ ଦଳ

ନୂଆଦିଲ୍ଲୀ: ଦଳ ସଜାଡିବାକୁ କଂଗ୍ରେସର ପ୍ରୟାସ । ଆସନ୍ତାକାଲି ବସିବାକୁ ଯାଉଛି କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକ । ବୈଠକରେ AICC  ଅଧ୍ୟକ୍ଷା ସୋନିଆ ଗାନ୍ଧି, ସାଂସଦ ରାହୁଲ ଗାନ୍ଧି, ମହାସଚିବ ପ୍ରିୟଙ୍କା ଗାନ୍ଧିଙ୍କ ସହ ଦଳର ସମସ୍ତ ମହାସଚିବ ଓ ବହୁ ବରିଷ୍ଠ ନେତା ଯୋଗଦେବେ । ଦେଶରେ ଚାଷୀ ଆନ୍ଦୋଳନ ଜୋର ଧରିଥିବାବେଳେ କଂଗ୍ରେସର ଏହି ବୈଠକ ଅନେକ ଗୁରୁତ୍ବ ବହନ କରୁଛି । ବୈଠକରେ ଦଳର ନୂଆ ଅଧ୍ୟକ୍ଷ ନିର୍ବାଚନ ନେଇ ଆଲୋଚନା ହେବ ବୋଲି କୁହାଯାଉଛି । ସେହିଭଳି ଅସନ୍ତୁଷ୍ଟ ନେତାଙ୍କୁ ଏକଜୁଟ କରି ଦଳ ନୂଆ ରଣନୀତି ପ୍ରସ୍ତୁତ କରିବା ପାଇଁ ଯାଉଛି । ବୈଠକରେ ଏକ ଦଳୀୟ ଚିଠା ପ୍ରସ୍ତାବ ଆସିବ । ଯେଉଁଥିରେ ସମସ୍ତ ଦସ୍ତଖତ କରି ଦଳ ପାଇଁ ଏକାଠି ହୋଇ କାର୍ଯ୍ୟ କରିବାକୁ ନିଷ୍ପତ୍ତି ନେବେ ବୋଲି ସୂଚନା ମିଳିଛି । କାହିଁକି ଦଳ ବାରମ୍ବାର ନିର୍ବାଚନରେ ହାରୁଛି ଏବଂ ଆଗାମୀ ଦିନ ପାଇଁ କ’ଣ ରଣନୀତି ପ୍ରସ୍ତୁତ ହେବ ସେ ନେଇ ବୈଠକରେ ଆଲୋଚନା ହେବ ।

ଏଥିସହିତ ପଢ଼ନ୍ତୁ: ବାୟୋଏନଟେକ୍ ଓ ଫାଇଜର ପରେ ମଡର୍ଣ୍ଣା ଟିକାକୁ ମିଳିପାରେ ଆମେରିକାରେ ଅନୁମତି