ସୋନିଆ ଗାନ୍ଧୀଙ୍କୁ ଜ୍ବର, ମେଡିକାଲରେ ଭର୍ତ୍ତି

ନୂଆଦିଲ୍ଲୀ: ହସ୍ପିଟାଲରେ ଭର୍ତ୍ତି ହୋଇଛନ୍ତି କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀ । ତାଙ୍କୁ ଦିଲ୍ଲୀର ସାର୍ ଗଙ୍ଗାରାମ ହସ୍ପିଟାଲରେ ଭର୍ତ୍ତି କରାଯାଇଛି । ଜ୍ବରରେ ପୀଡ଼ିତ ହୋଇଥିଲେ ସୋନିଆ । ହସ୍ପିଟାଲରେ ଚିକିତ୍ସା ପରେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା ଡାକ୍ତର କହିଛନ୍ତି ।

ଗତ ଏକ ତାରିଖରେ ମୁମ୍ବାଇରେ ଅନୁଷ୍ଠିତ ଇଣ୍ଡିଆ ମେଣ୍ଟ ବୈଠକରେ ସାମିଲ ହୋଇଥିଲେ ସୋନିଆ । ସେଠାରୁ ଫେରିବା ପରେ ଜ୍ବରରେ ପୀଡ଼ିତ ହୋଇଥିଲେ । ତାଙ୍କୁ ତୁରନ୍ତ ଗଙ୍ଗାରାମ ହସ୍ପିଟାଲକୁ ନିଆଯାଇଥିଲା । ପୂର୍ବରୁ ମଧ୍ୟ ଜ୍ବରରେ ପୀଡ଼ିତ ହୋଇ ସୋନିଆ ଉକ୍ତ ହସ୍ପିଟାଲରେ ଚିକିତ୍ସିତ ହୋଇଥିଲେ ।