୨୩ ଦିନ ପରେ ଗିରଫ ହେଲା ବାପା ହତ୍ୟାକରୀ ପୁଅ

ସିମୁଳିଆ: ବାପାକୁ ହତ୍ୟା କରି ବିଲରେ ପୋତିବା ଘଟଣାର ୨୩ ଦିନ ପରେ ଅଭିଯୁକ୍ତ ପୁଅ ଗିରଫ । ହାଇଦ୍ରାବାଦରୁ ଅଭିଯୁକ୍ତ ପୁଅକୁ ଗିରଫ କଲା ସିମୁଳିଆ ପୋଲିସ । ଜୁନ ୧୬ ତାରିଖରେ ସିମୁଳିଆ ଥାନା ଗରସଙ୍ଗ ଗାଁରେ ଘଟିଥିଲା ବୀଭତ୍ସ ହତ୍ଯାକାଣ୍ଡ । ବାପା ପ୍ରଭାକର ବେହେରାଙ୍କୁ ଠେଙ୍ଗାରେ ପିଟିପିଟି ହତ୍ୟା କରିଥିଲା ପୁଅ ରମେଶ ଚନ୍ଦ୍ର ବେହେରା l

ବାପାକୁ ହତ୍ୟା କରି ଘର ପଛ ପଟ ବିଲରେ ପୋତିଦେଇ ଫେରାର ହୋଇଯାଇଥିଲା ରମେଶ l ଗତ ୨୧ ତାରିଖରେ ବାପାଙ୍କୁ ଭାଇ ହତ୍ୟା କରିଥିବା ନେଇ ଝିଅ ମମତା ମଲ୍ଲିକଙ୍କ ଅଭିଯୋଗ ପରେ ପୋଲିସ ମାମଲାର ପର୍ଦ୍ଦଫାସ କରିଥିଲା । ଘର ନିକଟରୁ ପଚା ଗନ୍ଧ ଆସୁଥିବା ଲୋକଙ୍କ ଅଭିଯୋଗ ପରେ ଜମିକୁ ଖୋଳି ପୋଲିସ ମୃତଦେହ ଜବତ କରିଥିଲା । ସ୍ବତନ୍ତ୍ର ଟିମ୍ ବିଭିନ୍ନ ସ୍ଥାନରେ ଚଢାଉ କରି ହାଇଦ୍ରାବାଦରୁ ଅଭିଯୁକ୍ତ ପୁଅକୁ ଗିରଫ କିରିଛି ।