ବୃଦ୍ଧା ମା’କୁ ମାରିଦେଲା ପୁଅ

ନନ୍ଦିଘୋଷ ବ୍ୟୁରୋ: ବୃଦ୍ଧା ମା’କୁ ମାଡ଼ମାରିଲା ଭେଣ୍ଡିଆ ପୁଅ । ଏଭଳି ଅଭାବନୀୟ ଘଟଣା ଦେଖିବାକୁ ମଳିଛି ଗଞ୍ଜାମ ଜିଲ୍ଲା ଆସିକା ବ୍ଲକର ଖଣ୍ଡରାବଳି ଗାଁରେ । ଏହି ଗାଁର ୭୦ ବର୍ଷୀୟା କାନ୍ତା ବିଷୋୟୀଙ୍କ ୫ଟି ଝିଅ ଥିବା ବେଳେ ଗୋଟିଏ ପୁଅ ଅଛି । ୫ଟି ଝିଅ ଶାଶୂଘରେ ରହିଥିବା ବେଳେ ପୁଅ କାଳିଆ ବିଷୋୟୀ ମା’ ନିକଟରେ ରହିଥାଏ । ଗତକାଲି ରାତିରେ ମା’ ପୁଅ ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା । ଏଥିରେ ଉତ୍ୟକ୍ତ  ହୋଇ କାଳିଆ ମାକୁ ମାଡ଼ ମାରିଥିବା ଅଭିଯୋଗ ହୋଇଛି । କାନ୍ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ସେ ରାସ୍ତାକଡ଼ରେ ପଡିରହିଛନ୍ତି । ଏନେଇ କିନ୍ତୁ ମାଡ ମାରିଥିବା ପୁଅର କୌଣସି ପ୍ରତିକ୍ରିୟା ମିଳିପାରିନି ।