ଘରୋଇ କଳହକୁ ନେଇ ବାପାକୁ ମାରିଲା ପୁଅ

ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଥାନା ପାଲିଗାଁରେ ହତ୍ୟାକାଣ୍ଡ। ବାପାକୁ ମାରିଲା କୁଳାଙ୍ଗାର ପୁଅ। ପୁଅର ଆକ୍ରମଣରେ ବାପର ମୃତ୍ୟୁ ହୋଇଛି। ମୃତ ବାପାର ଶବ ପୋତି ପୁଅ ଫେରାର୍ ହେବାକୁ ଚେଷ୍ଟା କରିଥିବା ବେଳେ ପୁଅକୁ ଗିରଫ କରାଯାଇଛି। ବୀରମହାରାଜପୁର ପୁଲିସ୍ ଘଟଣାସ୍ଥଳରେ ତଦନ୍ତ ଚଳାଇଛି।

ସୂଚନା ଅନୁସାରେ ଗାଁର ମୁରଲି ତସା ଓ ତାର ପୁଅ ଇଟା ପକାଇବାକୁ ଯାଇଥିଲେ। ସେଠାରେ ଘରୋଇ କଳହକୁ ନେଇ ବାପ ପୁଅ ମଧ୍ୟରେ ଝଗଡା ହୋଇଥିଲା। ଏଥିରେ ପୁଅ ରାଗିଯାଇ ଏକ ଶାବଳରେ ବାପକୁ ଅକ୍ରମଣ କରିଥିଲା। ଶାବଳ ମାଡ଼ରେ ଘଟଣାସ୍ଥଳରେ ହିଁ ମୁରଲିଙ୍କ ଜୀବନ ଚାଲିଯାଇଛି। ଏହାପରେ ଗାଁର କିଛି ଲୋକଙ୍କ ସହାୟତାରେ ବାପାର ଶବକୁ ପୁଅ ପୋତି ଦେଇଥିଲା। ଖବର ପାଇ ବୀରମହାରାଜପୁର ପୁଲିସ୍ ପାଲିଗାଁରେ ପହଞ୍ଚି ଆଭିଯୁକ୍ତକୁ ଗିରଫ କରିଛି।