ଗୋରା ରଂଗ ମହଙ୍ଗା ପଡିଥିଲା ଭାବିଜୀଙ୍କୁ,ମିଳିନଥିଲା ହଲିଉଡ୍ ପ୍ରୋଜେକ୍ଟ୍ !

ମୁମ୍ବାଇ: ରଙ୍ଗର ଭେଦଭାବକୁ ନେଇ ସାରା ବିଶ୍ୱରେ ବିତର୍କ ସୃଷ୍ଟି ହୋଇଛି । ଏବେ ସୋସିଆଲ ମିଡିଆରେ #BlackLivesMatter ଟ୍ରେଣ୍ଡ କରୁଛି । ଜର୍ଜ ଫ୍ଲଏଡଙ୍କ ମୃତ୍ୟୁ ପରେ କେବଳ ଆମେରିକାର ଲୋକେ ନୁହେଁ ବରଂ ବଲିଉଡର ଅନେକ ତାରକା ତଥା ଦେଶର ଅନେକ ଲୋକେ ମଧ୍ୟ ‘ବ୍ଲାକ୍ ଲାଇଭସ୍ ମ୍ୟାଟର୍’ ଆନ୍ଦୋଳନକୁ ସମର୍ଥନ କରିଛନ୍ତି । ଏହା ସହିତ ଦେଶରେ ଲୋକଙ୍କୁ ଗୋରା କରିପାରୁଥିବା କ୍ରିମ ଉପରେ ମଧ୍ୟ ପ୍ରଶ୍ନ ଉଠାଯାଇଛି । ବୋଧହୁଏ ଏହି କାରଣରୁ ଭାରତର ସବୁଠାରୁ ଲୋକପ୍ରିୟ ଫେୟାରନେସ୍ କ୍ରିମ୍ “ଫେୟାର ଆଣ୍ଡ ଲଭଲି” ବ୍ରାଣ୍ଡ ନିଜ ପ୍ରଡକ୍ଟରୁ ଫେୟାର ଶବ୍ଦକୁ ହଟାଇବାକୁ ନିଷ୍ପତ୍ତି ନେଇଛି । ଏବଂ ଏହି ନିଷ୍ପତ୍ତି ୨୫ ​​ଜୁନ୍ ରେ ହିନ୍ଦୁସ୍ତାନ ୟୁନିଲିଭର ଲିମିଟେଡ୍ ଦ୍ୱାରା ମଧ୍ୟ ଘୋଷଣା କରାଯାଇଥିଲା ।

“ଭାବଜୀ ଘର ପର ହୈଁ” ରେ ଅନୀତା ଭାବିଙ୍କ ଭୂମିକାରେ ଅଭିନୟ କରୁଥିବା ସୌମ୍ୟା ଟଣ୍ଡନ ମଧ୍ୟ ଏହି ନିଷ୍ପତ୍ତିକୁ ପ୍ରଶଂସା କରିଛନ୍ତି। ସେ ଏହା ମଧ୍ୟ କହିଛନ୍ତି ଯେ, ଯେତେବେଳେ ସେ ଅନ୍ତର୍ଜାତୀୟ ପ୍ରୋଜେକ୍ଟରେ ଭାରତୀୟ ଭୂମିକାରେ ଅଭିନୟ କରିବାକୁ ଅଡିସନ୍ ଦେଇଥିଲେ, ସେତେବେଳେ ତାଙ୍କୁ ମନା କରାଯାଇଥିଲା । କାରଣ ସେ ଅଧିକ ଗୋରା ଏବଂ ତାଙ୍କୁ କୁହାଯାଇଥିଲା ଯେ, ଆମେ ଗୋରା ଝିଅଙ୍କୁ ଭାରତୀୟ ଭାବେ କାଷ୍ଟ୍ କରିପାରିବୁ ନାହିଁ । ଆମେ ଶ୍ୟାମଳୀ ଝିଅ ଚାହୁଁଛୁ ।

ସୌମ୍ୟା କହିଛନ୍ତି ଯେ, ସେମାନେ ବିଶ୍ୱାସ କରୁନଥିଲେ ଯେ ସେ ଜଣେ ଭାରତୀୟ ଝିଅ । ସେମାନେ ଭାବନ୍ତି ଯେ କେବଳ ଆମେରିକା, ଲଣ୍ଡନର ଝିଅମାନେ ଗୋରା ହୋଇଥାନ୍ତି। ସେତେବେଳେ ପ୍ରୋଜେକ୍ଟର ନିର୍ମାତା ତାଙ୍କୁ କହିଥିଲେ ଯେ, ସେମାନେ କେବଳ ଶ୍ୟାମଳ ରଂଗର ଝିଅକୁ ଭାରତୀୟ ଭୂମିକାରେ କାଷ୍ଟ କରିବେ । ସେମାନେ କେବେ ବି କୌଣସି ଭାରତୀୟ ଝିଅକୁ ଗୋରା ଦେଖାଇବେ ନାହିଁ। କାରଣ ସେମାନେ ଅଧିକାଂଶ ଶ୍ୟାମଳ ରଂଗର ଭାରତୀୟଙ୍କୁ ସେଠାରେ କାମ କରିବାରେ ଦେଖିଛନ୍ତି । ଏହି ପ୍ରକାରର ଚିନ୍ତାଧାରା ରହିବା ସମ୍ପୂର୍ଣ୍ଣ ଭୁଲ୍ ବୋଲି କହିଛନ୍ତି ସୌମ୍ୟା ।

ଏଥି ସହିତ, ସୌମ୍ୟା କହିଛନ୍ତି, ଅଧିକାଂଶ ଲୋକଙ୍କ ଚିନ୍ତାଧାରା ଏହା ଥାଏ ଯେ, ଗୋରା ଝିଅମାନେ ହିଁ କେବଳ ସୁନ୍ଦର । ଯାହା ଭାବିବା ଭୁଲ । ସତ୍ୟ ହେଉଛି ପ୍ରତ୍ୟେକ ରଙ୍ଗ ସୁନ୍ଦର । ବିଦେଶର ଲୋକମାନେ ଏହା ଜାଣନ୍ତି ନାହିଁ। ଭାରତରେ ପଞ୍ଜାବ, ହରିୟାଣା, କାଶ୍ମୀରର ଝିଅମାନେ ଗୋରା ହୋଇଥାଆନ୍ତି ।   ଆମର ଅନେକ ଅଭିନେତ୍ରୀ ମଧ୍ୟ ଅଛନ୍ତି ଯେଉଁମାନେ ଗୋରା । ତେଣୁ ଏହି ଷ୍ଟେରିଓଟାଇପ୍ ଭୁଲ । ପ୍ରତ୍ୟେକ ରଙ୍ଗ ସୁନ୍ଦର ଏବଂ ପ୍ରତ୍ୟେକ ଭାରତୀୟ ଝିଅ ଶ୍ୟାମଳ ନଥାନ୍ତି ।

ସୌମ୍ୟା ଟଣ୍ଡନ୍ ଜୁନ୍ ୩୦ ତାରିଖରୁ ନିଜ ଧାରାବାହିକ “ଭବଜୀ ଘର ପର ହୈଁ” ଶୁଟିଂ ଆରମ୍ଭ କରିଛନ୍ତି । ସେ କହିଛନ୍ତି, “କାମ କରିବା ଅତ୍ୟନ୍ତ ଆନନ୍ଦଦାୟକ । ସେ ସମସ୍ତ ଗାଇଡଲାଇନ୍ ଅନୁସରଣ କରି ସୁଟିଂ ସମୟରେ ସୁରକ୍ଷା ପ୍ରତି ଧ୍ୟାନ ଦେବେ ବୋଲି କହିଛନ୍ତି ।