ନୂଆବର୍ଷରେ ଘରକୁ ଆଣନ୍ତୁ ଏହି ସବୁ ଜିନିଷ; ବୃଦ୍ଧି ପାଇବ ସୁଖ ଓ ଆର୍ଥିକ ସମୃଦ୍ଧି

ଆଉ କିଛି ଦିନ ପରେ ୨୦୨୦ ବିଦାୟ ନେବାକୁ ଥିବାବେଳେ ଏକ ନୂତନ ବର୍ଷର ଆଗମନ ହେବ । ଯାହାକୁ ନେଇ ଲୋକଙ୍କ ମନରେ ଅନେକ ଆଶା ଓ ଆକାଂକ୍ଷା ଭରି ରହିଛି ।

ନବବର୍ଷ ଆସିବା ସହ ବହୁ ଲୋକ ଅନେକ ସଂକଳ୍ପ ମଧ୍ୟ ନେଇଥାନ୍ତି । ତେବେ ଆସନ୍ତୁ ଜାଣିବା ନବବର୍ଷରେ ଘରକୁ କେଉଁସବୁ ଜିନିଷ ଆଣିଲେ ସୁଖ ଓ ସମୃଦ୍ଧି ବୃଦ୍ଧି ପାଇଥାଏ ।

ଧାତୁ କଇଁଛ- ଅଧିକାଂଶ ଲୋକ ଘରକୁ ମାଟି, କାଠ ନିର୍ମିତ କଇଁଛ ଆଣି ଯେ କୌଣସି ସ୍ଥାନରେ ରଖିଦେଇଥାନ୍ତି । ଯାହା ଶୁଭ ହୋଇନଥାଏ । ହେଲେ ଏସବୁଠୁ ଧାତୁ କଇଁଛ ଖୁବ୍ ଉପକାରୀ ହୋଇଥାଏ । ଆପଣ ଚାହିଁଲେ ଧାତୁ, ଚାନ୍ଦି, ପିତ୍ତଳ, କାଂସ୍ୟ ମିଶ୍ରିତ କଇଁଛ ବନାଇପାରିବେ । ଏହାକୁ ଘରର ଉତ୍ତର ଦିଗରେ ରଖିବା ଉଚିତ୍ ।

ମୋତି ଶଙ୍ଖ- ସମସ୍ତଙ୍କ ଘରେ ପ୍ରାୟତଃ ଶଙ୍ଖ ରହିଥାଏ । ହେଲେ ଦକ୍ଷିଣାବର୍ତ୍ତୀ ତଥା ମୋତି ଶଙ୍ଖର ମହତ୍ୱ ଅନନ୍ୟ । ମୋତି ଶଙ୍ଖକୁ ବିଧିବିଧାନର ସହ ପୂଜା କରିବା ପରେ ଘର, କାର୍ଯ୍ୟସ୍ଥଳ, ବ୍ୟାପାର ସ୍ଥଳ ତଥା ଭଣ୍ଡାର ଘରେ ରଖିଲେ ଆମଦାନୀ ବୃଦ୍ଧିପାଇଥାଏ ।

ଚାନ୍ଦି ହାତୀ- ଚାନ୍ଦି ହାତୀକୁ ଘରେ ରଖିଲେ ଏହାର ପ୍ରଭାବ ଖୁବ୍ ଭଲ ରହିଥାଏ । ଜ୍ୟାେତିଷ ଶାସ୍ତ୍ର ଅନୁସାରେ ରାହୁ କିମ୍ବା କେତୁର ଖରାପ ପ୍ରଭାବ ପଡେ ନାହିଁ ଏବଂ ବ୍ୟବସାୟ ତଥା ଚାକିରି କ୍ଷେତ୍ରରେ ଭଲ ପ୍ରଭାବ ପଡିଥାଏ ।

ଶୁଆ ଚିତ୍ର କିମ୍ବା ମୂର୍ତ୍ତି- ବାସ୍ତୁଶାସ୍ତ୍ରଙ୍କ ଅନୁଯାୟୀ, ଶୁଆ ଚିତ୍ରକୁ ଘରର ଉତ୍ତର ଦିଗରେ ରଖିଲେ ପିଲାମାନଙ୍କର ପାଠପଢାରେ ଆଗ୍ରହ ବଢିଥାଏ । ଏଥିସହିତ ସେମାନଙ୍କର ସ୍ମୃତି ଶକ୍ତି ମଧ୍ୟ ବୃଦ୍ଧି ପାଇଥାଏ । ଶୁଆ ପ୍ରେମ, ଦୀର୍ଘ ଆୟୁ, ସୌଭାଗ୍ୟର ପ୍ରତୀକ ହୋଇଥାଏ ।