କିଛି ସମୟ ମଧ୍ୟରେ ପୃଥିବୀ ସହିତ ମାଡ଼ ହେବ ସୌରଝଡ଼
1 min read
ଓ୍ୱାଶିଂଟନ୍: ଆଜି ପୃଥିବୀ ସହ ମହାବିନାଶକ ସୌରଝଡ଼ ଧକ୍କା ହେବାର ସମ୍ଭାବନା ରହିଛି । ଏହି ସୌରଝଡ଼ ଯଦି ପୃଥିବୀ ପାଇଁ ମହାବିନାଶକ ସାଜେ ତେବେ ଏକ ବଡ଼ ଧରଣର ପ୍ରଭାବ ପଡ଼ିବ ବୋଲି ଆଶଙ୍କା କରୁଛନ୍ତି ବୈଜ୍ଞାନିକ । ନାସାର ସୂଚନା ଅନୁସାରେ, କୋରୋନଲ ମାସ୍ ଇଜେକ୍ସନ୍ ପାଇଁ ଏହି ସୌରଝଡ଼ ସୃଷ୍ଟି ହୋଇଛି ।
ୟୁଏସ ସ୍ପେସ୍ ଓ୍ୱେଦର ସେଣ୍ଟର ଅନୁସାରେ ଏହା ହେଉଛିG-2 ଶ୍ରେଣୀର । ଯାହା ଖୁବ୍ ବିପଦଜ୍ଜନକ । ସବୁଠାରୁ ଶକ୍ତିଶାଳୀ ସୌରଝଡ଼କୁ G-5 ଏବଂ ସବୁଠାରୁ କମ୍ ଶକ୍ତିଶାଳୀ ସୌରଝଡ଼କୁ G-1 ଶ୍ରେଣୀରେ ରଖାଯାଏ । ସେଣ୍ଟର ଅଫ୍ ଏକ୍ସିଲେନ୍ସ ଇନ୍ ସ୍ପେସ୍ ସାଇନ୍ସେଜ୍ ଇଣ୍ଡିଆର ଟ୍ୱିଟ୍ ଅନୁସାରେ, ୧୪ ଅପ୍ରେଲ ୨୦୨୨ ବା ଗୁରୁବାର ସେକେଣ୍ଡ ପ୍ରତି ୪୨୯ରୁ ୫୭୫ କିଲୋମିଟର ବେଗରେ ପୃଥିବୀ ସହ ଏହି ସୌରଝଡ଼ ମାଡ଼ ହୋଇପାରେ ।
ସୋଲାର ଆକ୍ଟିଭିଟିର ୪ଟି ମୁଖ୍ୟ ଉପାଦାନ ମଧ୍ୟରେ ସୋଲାର ଫ୍ଲେୟର୍ସ, କୋରୋନଲ ମାସ୍ ଇଜେକ୍ସନ, ହାଇ ସ୍ପିଡ ସୋଲାର ଓ୍ୱିଣ୍ଡ୍ ଏବଂ ସୋଲାର ଏନର୍ଜି ପାର୍ଟିକଲ୍ସ ସାମିଲ ରହିଛି । ଏହି କାରଣରୁ ପୃଥିବୀକୁ ସୌରଝଡ଼ ଆସିଥାଏ ।
