ଆଜି ପୁଣି ହେବ ସୌର ବିସ୍ଫୋରଣ, ବିସ୍ଫୋରଣ ଫଳରେ ପୃଥିବୀକୁ ମାଡ଼ ହେବ ଭୂଚୁମ୍ବକୀୟ ଝଡ଼

ନୂଆଦିଲ୍ଲୀ: ପୁଣି ସୌର ବିସ୍ଫୋରଣ । ଆଜି ଘଟିବାକୁ ଥିବା ଏହି ସୌର ବିସ୍ଫୋରଣରେ ପୃଥିବୀକୁ ମାଡ଼ ହେବ ଭୂଚୁମ୍ବକୀୟ ଝଡ଼ । ଘଣ୍ଟାପ୍ରତି ୨୧ ଲକ୍ଷ ୮୫ ହଜାର ୨୦୦ କିଲୋମିଟର ବେଗରେ ଭୂଚୁମ୍ବକୀୟ ଝଡ଼ ଆସିବ ବୋଲି ସୂଚନା ଦିଆଯାଇଛି । ତେବେ ଏହି ଝଡ଼ ପ୍ରଥମ ଥର ଲାଗି ନୁହେଁ, ଅତୀତରେ ମଧ୍ୟ ଏହି ଝଡ଼ ସୃଷ୍ଟି ହୋଇଥିଲା । କୋଲକାତାସ୍ଥିତ ଭାରତୀୟ ବିଜ୍ଞାନ ଶିକ୍ଷା ଓ ଗବେଷଣା ପ୍ରତିଷ୍ଠାନ ଅନ୍ତର୍ଗତ ସେଣ୍ଟର ଫର ଏକ୍ସିଲେନ୍ସିର ବୈଜ୍ଞାନିକମାନେ କହିଛନ୍ତି- ସୌର ପ୍ରକ୍ରିୟାରେ ସୂର୍ଯ୍ୟ ଅଧିକ ସକ୍ରିୟ ହୋଇଛି ଏବଂ କୋରୋନାଲ ମାସ୍ ଇଜେକ୍ସନ ପ୍ରକ୍ରିୟାରେ ଏଥିରେ ବିସ୍ଫୋରଣ ଘଟୁଛି । ଏହାର ପ୍ରଭାବରେ ପ୍ରଚୁର ଶକ୍ତି ଓ ପ୍ଲାଜମା ପୃଥିବୀ ଅଭିମୁଖେ ଆସି ମାଡ଼ ହେବ ।

କୋରୋନାଲ ମାସ୍ ଇଜେକ୍ସନ ହେଉଛି ଏପରି ଏକ ପ୍ରକ୍ରିୟା ଯେଉଁଥିରେ ସୂର୍ଯ୍ୟର ପୃଷ୍ଠ ଦେଶରୁ ଶହ ଶହ କୋଟି ଟନ୍ ଓଜନର ପଦାର୍ଥ ଉଦଗୀରଣ ହେବ ଏବଂ ଲକ୍ଷ ଲକ୍ଷ ମାଇଲ ବେଗରେ ଏହା ପୃଥିବୀକୁ ଆସି ମାଡ଼ କରିବ । ଏହାର ଗତି ରହିବ ସେକେଣ୍ଡ ପିଛା ପ୍ରାୟ ୬୦୦ କିଲୋମିଟର ।