ଆସନ୍ତା ୨୬ରେ ସୂର୍ଯ୍ୟ ପରାଗ, ଏହି ୫ଟି ରାଶି ଉପରେ ପଡ଼ିପାରେ ଅଧିକ ପ୍ରଭାବ

ଭୁବନେଶ୍ୱର : ଡିସେମ୍ବର ୨୬ ତାରିଖରେ ଏ ବର୍ଷର ଶେଷ ସୂର୍ଯ୍ୟପରାଗ । ଏଥିପାଇଁ ପାକ ନିଷେଧ ସହ ପୂଜା ପଦ୍ଧତି ଉପରେ ମଧ୍ୟ କଟକଣା ଜାରି ହୋଇଥାଏ । ତେବେ ସୂର୍ଯ୍ୟ ପରାଗରୁ କିଛି ରାଶିର ବ୍ୟକ୍ତିଙ୍କ ଉପରେ ପ୍ରଭାବ ଅଧିକ ରହିଥାଏ ତ ଆଉ କିଛି ରାଶିର ବ୍ୟକ୍ତିଙ୍କୁ ମଧ୍ୟ ଶୁଭ ଫଳ ମିଳିଥାଏ । ତେବେ ଏଥର ପରାଗ ବେଳେ ୫ଟି ରାଶି ପ୍ରତି କିଛିଟା ବିପଦ ରହିଛି । ଜାଣନ୍ତୁ ସେ ସବୁ ରାଶି ସଂପର୍କରେ ।

ମେଷ : ଏହି ରାଶିର ବ୍ୟକ୍ତିଙ୍କୁ ପରାଗ ସମୟରେ କିଛିଟା ଅସୁବିଧାର ସମ୍ମୁଖିନ ହେବାକୁ ପଡ଼ିପାରେ । କାର୍ଯ୍ୟରେ ବିଳମ୍ବ ହେବ । ଯଦି ଆପଣ ବେପାର କରୁଛନ୍ତି ତେବେ କାହା ଉପରେ ଅଧିକ ବିଶ୍ୱସ କରନ୍ତୁ ନାହିଁ, ଅସୁବିଧାରେ ପଡ଼ି ପାରନ୍ତି । ତର୍କ ବିତର୍କରୁ ଦୁରେଇ ରୁହନ୍ତୁ । କିଛି ବଡ଼ ନିଷ୍ପତ୍ତି ନେବା ପୂର୍ବରୁ ଗୁରୁଜନଙ୍କ ସହ ଆଲୋଚନା କରି ନିଅନ୍ତୁ ।

ମିଥୁନ : ଦାମ୍ପତ୍ତ୍ୟ ଜୀବନରେ କଳହ ଲାଗି ରହିବ । ଚାକିରିରେ ପ୍ରମୋଶନ ଚାହୁଁଥିଲେ ଏହା ବିଳମ୍ବ ହୋଇପାରେ, ଯଦି ନୂଆ ଚାକିରି ଖୋଜୁଛନ୍ତି ତେବେ କିଛି ଦିନ ଅପେକ୍ଷା କରି ନିଅନ୍ତୁ । ପିତା-ମାତାଙ୍କ ଦେହ ଉପରେ ବିଶେଷ ଧ୍ୟାନ ଦିଅନ୍ତୁ ।

ତୁଳା : ପରାଗଠାରୁ କିଛି ନା କିଛି ଖରାପ ପରିସ୍ଥିତିକୁ ସାମ୍ନା କରିପାରନ୍ତି । ଭାଇ ଭଉଣୀଙ୍କ ସହ କଳହ ହୋଇପାରେ । ସନ୍ତାନକୁ ସ୍ୱାସ୍ଥ୍ୟ ସମ୍ବନ୍ଧୀୟ କଷ୍ଟ ହୋଇପାରେ । ତେବେ ଏହି ପ୍ରଭାବ ୧୫ ଦିନ ହିଁ ରହିବ ।

ବିଚ୍ଛା : ପରିବାରରେ ସ୍ୱାସ୍ଥ୍ୟ ସମ୍ବନ୍ଧୀୟ ଅସୁବିଧା ଦେଖାଦେବ । ମାନସିକ ଚାପ ବଢିପାରେ । କଥାବାର୍ତ୍ତାରେ ନିୟନ୍ତ୍ରଣ ରକ୍ଷା କରନ୍ତୁ ।

ମକର : ବର୍ଷର ଆରମ୍ଭରେ ଆପଣ ବିଭିନ୍ନ ଚାପରେ ରହି ପାରନ୍ତି । ଆର୍ଥିକ କ୍ଷେତ୍ରରେ ଆପଣଙ୍କୁ ସାବଧାନ ରହିବାକୁ ପଡ଼ିବ । ବ୍ୟବସାୟ ପ୍ରତି ବିଶେଷ ଧ୍ୟାନ ଦେବାକୁ ପଡ଼ିବ ।