ଏ ବର୍ଷର ଶେଷ ସୂର୍ଯ୍ୟ ପରାଗ ସଂପର୍କରେ ସବିଶେଷ ତଥ୍ୟ, ପଢ଼ନ୍ତୁ କେବେ ଓ କେତେବେଳେ ପାକ ତ୍ୟାଗ ଓ ପୂଜା ନିଷେଧ

ଭୁବନେଶ୍ୱର : ଆଗକୁ ଆସୁଛି ବର୍ଷର ଶେଷ ସୂର୍ଯ୍ୟ ପରାଗ । ଚଳିତ ମାସ ୨୬ ତାରିଖରେ ସୂର୍ଯ୍ୟରେ ପରାଗ ଲାଗିବାକୁ ଯାଉଛି । ଏହି ମହାଜାଗତିକ ଦୃଶ୍ୟ ଭାରତରେ ଦେଖିବାକୁ ମିଳିବ । ପ୍ରତିବର୍ଷ ୫ରୁ ୭ଥର ସୂର୍ଯ୍ୟ ପରାଗ ଓ ଚନ୍ଦ୍ର ଗ୍ରହଣ ଦେଖିବାକୁ ମିଳିଥାଏ । କେବେ କେବେ ଏହା କମ୍ ମଧ୍ୟ ହୋଇଥାଏ ।  ପରାଗ ସେତେବେଳେ ଲାଗେ ଯେତେବେଳେ, ପୃଥିବୀ ଓ ସୂର୍ଯ୍ୟ ମଧ୍ୟରେ ଚନ୍ଦ୍ର ରହିଯାଏ । ସୂର୍ଯ୍ୟ ପରାଗ ଅମାବାସ୍ୟା ଦିନରେ ହିଁ ହୋଇଥାଏ । ବୈଜ୍ଞାନିକଙ୍କ ଭାଷାରେ ଏହାକୁ ବଳୟାକାର ସୁର୍ଯ୍ୟ ପରାଗ ବୋଲି କୁହାଯାଏ ।

ଗ୍ରହଣ ଲାଗିବାର ସମୟ:

ପରାଗ ଓ ଗ୍ରହଣ ଲାଗିବାର ସାଧାରଣତଋ ୯ ଘଣ୍ଟା କିମ୍ବା ୧୨ ଘଣ୍ଟା ପୂର୍ବରୁ ହାଣ୍ଡି ଛାଡ଼ କରାଯାଏ । ଏହାକୁ ପାକ ନିଷେଧ କୁହାଯାଏ । କାରଣ ପରାଗ ଲାଗିବା ସମୟରେ ପେଟରେ କିଛି ଖାଦ୍ୟ ପଦାର୍ଥ ନରହିବା ଭଲ । ତେଣୁ ୧୨ଘଣ୍ଟା ପୂର୍ବରୁ ହାଣ୍ଡିଛାଡ଼ କରାଯାଇଥାଏ । ସୂର୍ଯ୍ୟ ପରାଗର ପ୍ରକ୍ରିୟା ୨୫ ଡିସେମ୍ବର ସଂଧ୍ୟା ୫ଟା ୩୭ରୁ ହିଁ ଆରମ୍ଭ ହୋଇ ୨୬ ଡିସେମ୍ବର ସକାଳ ୧୦ଟା ୫୭ରେ ଶେଷ ହେବ । ଏହି ସମୟରେ କୌଣସି ଶୁଭ କାର୍ଯ୍ୟ କରାଯାଏ ନାହିଁ କାରଣ ଏହି ସମୟରେ ଦେବ ପୂଜା ମଧ୍ୟ ନିଶିଦ୍ଧ ହୋଇଥାଏ । କୁହାଯାଉଛି କି ଏହି ଆଶିଂକ ସୂର୍ଯ୍ୟ ପରାଗ ୮ଟା ୧୭ରେ ଆରମ୍ଭ ହୋଇ ୧୦ଟା ୫୭ରେ ଶେଷ ହେବ। ଶ୍ରୀମନ୍ଦିରରେ ୨୫ ତାରିଖ ରାତି ୮ଟା ୨୦ରୁ ପାକତ୍ୟାଗ ନୀତି ଆରମ୍ଭ ହେବ । ପରଦିନ ସକାଳ ୮ଟା ୨୦ରେ ଗ୍ରହଣ ସ୍ପର୍ଶ କରୁଥିବାରୁ ସେହି ସମୟରେ ଦେବ ନୀତି କରାଯିବ ନାହିଁ । ପରାଗ ଛାଡ଼ିଲେ ମହାସ୍ନାନ ପରେ ସମସ୍ତ ନୀତିକାନ୍ତି ପୂର୍ବଭଳି କରାଯିବ ।