ତେଲୁଗୁ ସମ୍ପ୍ରଦାୟର ଷୋଳପୁଅ ମାଆ ପୂଜା: ୧୨ ସାହିରେ ଲାଗିହେଲା ଦହି ପଖାଳ ଭୋଗ

ତେଲୁଗୁ ସମ୍ପ୍ରଦାୟର ଷୋଳପୁଅ ମାଆ ପୂଜା । ମହାନଦୀରୁ ଆସି ଘଟ ପରିକ୍ରମା କଲା ସାହି । କଟକର ୧୨ ସାହିରେ ଲାଗିହେଲା ଦହି ପଖାଳ ଭୋଗ । କଟକ ସହରରେ ୩୦ ହଜାର ତେଲଗୁ ସଂପ୍ରଦାୟର ଲୋକ ବସବାସ କରନ୍ତି । ଗଣେଶ ପୂଜା ପରେ ପରେ ପ୍ରତିବର୍ଷ ତେଲଗୁ ଶ୍ରାଦ୍ଧାଳୁମାନେ ଆୟୋଜନ କରିଥାନ୍ତି ଷୋଳପୁଅ ମାଆଙ୍କ ପୂଜା । ରବିବାର ସଂନ୍ଧ୍ୟାରେ ୧୨ଟି ସାହିର ମାଆଙ୍କ ଘଟ ଶୋଭାଯାତ୍ରା ମହାନଦୀ ଗଡଗଡିଆ ଘାଟରୁ ଆସି ସାହି ପରିକ୍ରମା କରିଛନ୍ତି । ମାଆଙ୍କୁ ସାହି ମନ୍ଦିରରେ ରଖାଯିବା ପରେ ପୂଜାର୍ଚ୍ଚନା କରାଯାଉଛି । ସଂନ୍ଧ୍ୟାରେ ଦୀପଦାନ ଓ ଆରତି ସହ ଦର୍ଶନ କରିବେ ଶ୍ରଦ୍ଧାଳୁ । ଷୋଳପୁଅ ମାଆଙ୍କ ପୂଜାକୁ ତେଲଗୁ ସଂପ୍ରଦାୟର ଲୋକମାନେ ବିଶେଷ କରି ମହିଳାମାନେ ନିଷ୍ଠାର ସହ ପାଳନ କରିଥାନ୍ତି । ମାଆଙ୍କ ନିକଟରେ ପ୍ରତି ସାହିରେ ଦହିପଖାଳ ଭୋଗ ପ୍ରସ୍ତୁତ କରାଯାଇ ଭକ୍ତଙ୍କ ମଧ୍ୟରେ ପ୍ରସାଦ ଭାବେ ବଣ୍ଟନ କରାଯାଇଥାଏ । ଏଥିପାଇଁ ବିଭିନ୍ନ ସାହିରେ ହଜାରରୁ ଅଧିକ ଲୋକଙ୍କ ପାଇଁ ଭୋଗ ପ୍ରସ୍ତୁତ କରାଯାଇଛି ।