ଏସଓଜି-ମାଓବାଦୀ ଗୁଳି ବିନିମୟ, ଏବେ ବି ଚାଲିଛି ସର୍ଚ୍ଚ ଅପରେସନ

ବୌଦ୍ଧ: ବୌଦ୍ଧ ଜିଲ୍ଲା ମନମୁଣ୍ଡା ଥାନା ନଳୀକୁମ୍ପା ଜଙ୍ଗଲରେ ଏସଓଜି-ମାଓବାଦୀ ଗୁଳି ବିନିମୟ ଘଟଣା । ଏବେବି ଜାରି ରହିଛି ସର୍ଚ୍ଚ ଅପରେସନ । ଗତକାଲି ମନମୁଣ୍ଡା ଥାନା ଅନ୍ତର୍ଗତ ଶଗଡା ଅଞ୍ଚଳର ନଳୀକୁମ୍ପା ଗାଁ ପାଖ ସୁବର୍ଣ୍ଣଗିରି ଓ ପେନାଜୋର ଜଙ୍ଗଲରେ ମାଓବାଦୀ-ଏସଓଜି ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା ।

ବୌଦ୍ଧ ଓ କନ୍ଧମାଳ ଉଭୟ ପଟୁ ସର୍ଚ୍ଚ ଅପରେସନ ଜାରି ରହିଛି । ବହୁ ମାଓବାଦୀ କ୍ୟାମ୍ପ ଧ୍ବଂସ ସାଙ୍ଗକୁ ସେମାନ ସାମଗ୍ରୀ ଜବତ ହୋଇଛି । ଜିଲୋଟିନ, ଲ୍ୟାଣ୍ଡମାଇନ, ବୋମା, ତାର, ବ୍ୟାଟେରୀ ସହ ଅନେକ ସାମଗ୍ରୀ ପୋଲିସ ହାତରେ ଲାଗିଛି । ଗୁଳି ବିନିମୟରେ ଉଭୟ ପକ୍ଷରୁ କେହି ମୃତାହତ ହୋଇନଥିବା ସୂଚନା ମିଳିଛି । ଆଜି ବି ଉଭୟ ପଟୁ ୬ ଶହରୁ ଅଧିକ ସୁରକ୍ଷା ବାହିନୀ ସର୍ଚ୍ଚ ଅପରେସନ ଜାରି ରଖିଛନ୍ତି ।