ନନ୍ଦିଘୋଷ ଟିଭି ହାତରେ ଶ୍ୱେତାଙ୍କ ଡାଏରୀ, ସମ୍ପର୍କ ପାଇଁ ଲୋଡିଛନ୍ତି ଈଶ୍ୱରଙ୍କ ଆଶୀର୍ବାଦ..

ନନ୍ଦିଘୋଷ ବ୍ୟୁରୋ: ନନ୍ଦିଘୋଷ ଟିଭି ହାତରେ ଲାଗିଛି ସଫ୍ଟଓ୍ବେର ଇଂଜିନିୟର ଶ୍ବେତାଙ୍କ ଡାଏରୀର କିଛି ଫର୍ଦ୍ଦ । ଯେଉଁ ଡାଏରୀରେ ଶ୍ୱେତା ନିଜେ ଲେଖୁଥିଲେ ଜୀବନର କିଛି ଅକୁହା କଥା  । ଘଟିଯାଇଥିବା କିଛି ଅନେକ ଘଟଣା  ।  ଏଥିରେ ସେ ସୌମ୍ୟଜିତଙ୍କ ସହ ନିବିଡ଼ ସଂପର୍କ ନେଇ ଲେଖିଛନ୍ତି। ସୌମ୍ୟ ତାଙ୍କୁ ସ୍ତ୍ରୀ ରୂପେ ଗ୍ରହଣ କରୁଥିବା ସେ ଲେଖିଛନ୍ତି। ତାଙ୍କ ପ୍ରତି ଓ ତାଙ୍କ ପରିବାର ପ୍ରତି ସୌମ୍ୟଙ୍କ ସମ୍ମାନ ବଢିଯାଇଛି । ତାଙ୍କ ସମ୍ପର୍କକୁ ଆଶୀର୍ବାଦ କରିବା ସହ ବଞ୍ଚାଇ ରଖିବାକୁ ସେ ଭଗବାନଙ୍କ ପାଖରେ ପ୍ରାର୍ଥନା କରିଛନ୍ତି ।

ଶ୍ୱତା ଲେଖିଛନ୍ତି ଯେ, ପୂର୍ବଠାରୁ ତାଙ୍କ ସମ୍ପର୍କ କେମିତି ଆହୁରି ମଜଭୁତ ହେବ ସେନେଇ ଭଗବାନଙ୍କ ଆଶୀର୍ବାଦ ଲୋଡିଛନ୍ତି। ଦିନକୁ ଦିନ ସୌମ୍ୟଜିତ ମହାପାତ୍ର ତାଙ୍କୁ ପୂର୍ବଠାରୁ ଅଧିକ ଭଲ ପାଉଛନ୍ତି। ତାଙ୍କ ମଧ୍ୟରେ ଥିବା ସବୁ ଭୁଲ ବୁଝାମଣା ଦୂର କରିବା ପାଇଁ ସେ ବାରମ୍ବାର ଭଗବାନଙ୍କୁ ପ୍ରାର୍ଥନା କରିଛନ୍ତି। ଡାଏରୀରୁ ଶ୍ବେତା ସୌମିଜିତଙ୍କୁ କେତେ ଭଲ ପାଉଥିଲେ ସେନେଇ ସ୍ପଷ୍ଟ ହୋଇଛି।

ସେପଟେ ଭୁବନେଶ୍ବର ଡିସିପିଙ୍କୁ ଭେଟିଛନ୍ତି ଶ୍ଵେତାଙ୍କ ପରିବାର। ତୁରନ୍ତ ସୌମ୍ୟଙ୍କୁ ଗିରଫ ଦାବି କରିବା ସହ ଡିସିପିଙ୍କ ନିକଟରେ ଆଉ କିଛି ପ୍ରମାଣ ଦାଖଲ କରିଛନ୍ତି। ଏଥିସହ ସାଙ୍ଗମାନଙ୍କୁ ତଦନ୍ତ ପରିସରଭୁକ୍ତ କରିବାକୁ ଦାବି କରିଛନ୍ତି । ଅନ୍ୟପଟେ ଶ୍ୱେତାଙ୍କ ଭାଇ ଏବଂ ଶ୍ୱେତାଙ୍କ ସାଙ୍ଗର ଏକ ଅଡିଓ ବାର୍ତ୍ତାଳପ ଭାଇରାଲ ହେଉଛି  । ଯେଉଁଥିରେ ଶ୍ୱେତାଙ୍କ ଭାଇ ଓ ଶ୍ୱେତାଙ୍କ ବନ୍ଧୁଙ୍କ ମଧ୍ୟରେ ଦୀର୍ଘ ସମୟର ବାର୍ତ୍ତାଳପ ରହିଛି  ।  ଶ୍ୱେତା ଓ ସୌମ୍ୟଜିତଙ୍କ ପ୍ରେମ ସମ୍ପର୍କକୁ ନେଇ ଉଭୟେ କଥା ହୋଇଥିବା ଜଣା ପଡ଼ିଛି  ।