ସାମାଜିକ କର୍ମୀ ତୀସ୍ତା ସିତଲୱାଡଙ୍କୁ ଗିରଫ କଲା ଏଟିଏସ୍

1 min read

ମୁମ୍ବାଇ: ସାମାଜିକ କର୍ମୀ ତୀସ୍ତା ସିତଲୱାଡଙ୍କୁ ମୁମ୍ବାଇରୁ ଗିରଫ କରିଛି ଗୁଜୁରାଟ ଏଟିଏସ୍  । ୨୦୦୨ ଗୁଜୁରାଟ ଦଙ୍ଗା ସମ୍ପର୍କରେ ଭୁଲ୍ ତଥ୍ୟ ଦେଇଥିବାରୁ ଏଟିଏସ୍ ଆଜି ମୁମ୍ବାଇ ଆସି ତାଙ୍କୁ ଗିରଫ କରିଛି  । ଗୁଜୁରାଟ ପୋଲିସର ପୂର୍ବତନ ଡିଜିପି ଆରବି ଶ୍ରୀକୁମାରଙ୍କୁ ମଧ୍ୟ ଗିରଫ କରିଛି ଏଟିଏସ୍  । ଶୁକ୍ରବାର ସୁପ୍ରିମକୋର୍ଟ ୨୦୦୨ ଗୁଜୁରାଟ ଦଙ୍ଗା ମାମଲାରେ ଏସ୍ଆଇଟିର କ୍ଲିନଚିଟ୍ ରିପୋର୍ଟକୁ କାଏମ ରଖିଥିଲେ । ତତକାଳୀନ ମୁଖ୍ୟମନ୍ତ୍ରୀ ନରେନ୍ଦ୍ର ମୋଦୀଙ୍କୁ କ୍ଲିନଚିଟ୍ ଦେଇଥିବା ଏସଆଇଟି ରିପୋର୍ଟକୁ କୋର୍ଟରେ ଚ୍ୟାଲେଞ୍ଜ କରାଯାଇଥିଲା  । ଏହି ଆବେଦନ ଜାକିୟା ଜାଫରି କରିଥିଲେ  । ଗୁଜୁରାଟ ଦଙ୍ଗାରେ ତାଙ୍କ ସ୍ୱାମୀ ଏହସାନ ଜାଫରିଙ୍କର ମୃତ୍ୟୁ ହୋଇଥିଲା  ।

କୋର୍ଟ ଏହି ମାମଲାରେ କହିଥିଲେ, ମାମଲାରେ ସାଥି ଆବେଦନକାରୀ ସିତଲଭାଡ ଜାକିୟା ଜାଫରିଙ୍କ ଭାବନା ସହ ଖେଳିଛନ୍ତି  । କୋର୍ଟ ତୀସ୍ତାଙ୍କ ଭୂମିକାର ଯାଞ୍ଚ କରିବାକୁ କହିଥିଲେ  । କୋର୍ଟଙ୍କ ନିର୍ଦ୍ଦେଶ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ଏଟିଏସ୍  ।  ଗୁଜୁରାଟ ଦଙ୍ଗା ମାମଲାରେ ଅହମ୍ମଦାବାଦ କ୍ରାଇମବ୍ରାଞ୍ଚ ତିସ୍ତା ସିତଲଭାଡ, ପୂର୍ବତନ ଆଇପିଏସ୍ ସଞ୍ଜୀବ ଭଟ୍ଟ ଏବଂ ଗୁଜୁରାଟର ପୂର୍ବତନ ଡିଜିପି ଆରବୀ ଶ୍ରୀକୁମାରଙ୍କ ବିରୋଧରେ ଭୁଲ ଦସ୍ତାବିଜ ବନାଇ ଷଡଯନ୍ତ୍ର କରୁଥିବାକୁ ନେଇ ମାମଲା ରୁଜୁ କରିଛି  । ସଞ୍ଜୀବ ଭଟ୍ଟ ପୂର୍ବରୁ ଜେଲରେ ଅଛନ୍ତି  । ଯେତବେଳେ କି ଅନ୍ୟ ଦୁଇଜଣଙ୍କୁ ଆଜି ଗିରଫ କରାଯାଇଛି  ।

About Post Author

[DISPLAY_ULTIMATE_SOCIAL_ICONS]