ଏଣିକି ଏକାସାଙ୍ଗରେ ଚାରୋଟି ମୋବାଇଲରେ ଗୋଟିଏ ହ୍ୱାଟ୍ସଆପ୍ ଆକାଉଣ୍ଟ ଚଲାଇପାରିବେ

ନନ୍ଦିଘୋଷ ବ୍ୟୁରୋ: ମେସେଜିଙ୍ଗ ଆପ୍ ହ୍ୱାଟ୍ସଆପରେ ଲଗାତାର ନୂଆ ନୂଆ ଅପଡେଟ୍ ଆସୁଛି । ଏବେ ହ୍ୱାଟ୍ସଆପ୍ ଆଉ ଏକ ଚମତ୍କାର ଫିଚର୍ସକୁ ରୋଲଆଉଟ୍ କରିଛି । ଏହି ଫିଚର ସହାୟତାରେ ଗୋଟିଏ ହ୍ୱାଟ୍ସଆପ୍ ଆକାଉଣ୍ଟକୁ ଏକାସାଙ୍ଗରେ ଚାରୋଟି ଡିଭାଇସରେ ବ୍ୟବହାର କରାଯାଇପାରିବ । ମେଟାର ସିଇଓ ମାର୍କ ଜୁକରବର୍ଗ ନିଜେ ଏନେଇ ଘୋଷଣା କରିଛନ୍ତି । ସେ ଫେସବୁକରେ ଲେଖିଛନ୍ତି ଯେ ଆଜିଠୁ ଆପଣମାନେ ଅଧିକତମ ଚାରୋଟି ଫୋନରେ ଗୋଟିଏ ଫେସବୁକ ଆକାଉଣ୍ଟ ଲଗଇନ୍ କରିପାରିବେ ।

ପ୍ରକାଶଥାଉକି ଫିଚରକୁ ପୂର୍ବରୁ ବିଟା ଟେଷ୍ଟିଂ ପାଇଁ ଜାରି କରାଯାଇଥିଲା, କିନ୍ତୁ ଏବେ ୟୁଜର୍ସ ଏହି ଫିଚରକୁ ବ୍ୟବହାର କରିପାରିବେ । ହ୍ୱାଟ୍ସଅପ୍ କମ୍ପେନିୟନ ମୋଡ ଫିଚରକୁ ରୋଲ ଆଉଟ୍ କରିଛି । ଏହି ଫିଚର ସହାୟତାରେ ୟୁଜର୍ସଙ୍କୁ ମଲ୍ଟି-ଡିଭାଇସର ସପୋର୍ଟ ମିଳିବ । ଅର୍ଥାତ କମ୍ପେନିୟନ ମୋଡ ଫିଚରର ସହାୟତାରେ ୟୁଜର୍ସଙ୍କୁ ଗୋଟିଏ ହ୍ୱାଟ୍ସଆପ୍ ଆକାଉଣ୍ଟକୁ ଅନ୍ୟ ଡିଭାଇସରେ ମଧ୍ୟ ବ୍ୟବହାର କରିବାରେ ସହାୟକ ହେବ ।

ହ୍ୱାଟ୍ସଆପର ନୂଆ ଫିଚରରେ ପ୍ରତ୍ୟେକ ଲିଙ୍କଡ ଡିଭାଇସ ସ୍ୱତନ୍ତ୍ର ରୂପରେ କାମ କରିବ ଏବଂ ଯଦି ପ୍ରାଇମେରୀ ଡିଭାଇସରେ କୌଣସି ନେଟୱର୍କ ଆକ୍ସେସ ନଥିବ ତେବେ ବି ୟୁଜର୍ସ ଅନ୍ୟ ସେକେଣ୍ଡାରୀ ଡିଭାଇସରେ ଆକାଉଣ୍ଟ ଆକ୍ସେସ କରିପାରିବେ । ୟୁଜର୍ସ ମ୍ୟାସେଜ ରିସିଭ କରିବାଠୁ ନେଇ ମେସେଜ୍ ପଠାଇ ପାରିବେ । ଏଠାରେ ଧ୍ୟାନ ଦେବା କଥା ଯେ ଯଦି ପ୍ରାଇମେରୀ ଡିଭାଇସ ଦୀର୍ଘ ସମୟ ପର୍ଯ୍ୟନ୍ତ ଇନଆକ୍ଟିଭ ରହେ ତେବେ ହ୍ୱାଟ୍ସଆପ୍ ଅଟୋମେଟିକ୍ ରୂପରେ ସମସ୍ତ ସେକେଣ୍ଡାରୀ ଡିଭାଇସରୁ ଲଗଆଉଟ୍ ହୋଇଯିବ ।

ଅତରିକ୍ତ ଡିଭାଇସରେ ଚାରୋଟି ସ୍ମାର୍ଟଫୋନ୍ ବା ପିସି ଏବଂ ଟାବଲେଟ ସାମିଲ ରହିଛି । ହ୍ୱାଟ୍ସଆପ୍ ଆକାଉଣ୍ଟକୁ ଅନେକ ପ୍ରକ୍ରିୟାରେ ଲିଙ୍କ କରାଯାଇପାରିବ । ଯଦି ଆପଣ ନିଜର ପ୍ରାଇମେରୀ ଡିଭାଇସ ସହ ଅନ୍ୟ ଡିଭାଇସରେ ମଧ୍ୟ ହ୍ୱାଟ୍ସଆପ୍ ଆକାଉଣ୍ଟକୁ ଲିଙ୍କ କରିବାକୁ ଚାହିଁଲେ ତେବେ ଆପଣଙ୍କୁ ସେକେଣ୍ଡାରୀ ଡିଭାଇସର ହ୍ୱାଟ୍ସଆପ୍ ଆପ୍ଲିକେସନରେ ଯାଇ ଫୋନ୍ ନମ୍ବର ଦେବାକୁ ହେବ । ଏବେ ଆପଣଙ୍କୁ ପ୍ରାଇମେରୀ ଡିଭାଇସରେ ମିଳିଥିବା ଓଟିପିକୁ ଦାଖଲ କରିବାକୁ ହେବ । ଏହିପରି ପ୍ରାଇମେରୀ ଡିଭାଇସରେ କୋଡ ସ୍କାନ କରି ମଧ୍ୟ ଅନ୍ୟ ଡିଭାଇସକୁ ଲିଙ୍କ କରାଯାଇପାରିବ ।