ଆମେରିକାରେ ଭୟଙ୍କର ବରଫ ଝଡ଼, ଜମି ରହିଛି ୬ଫୁଟର ବରଫ

ନ୍ୟୁୟର୍କ: ହଠାତ ଆକାଶରେ ମାଡି ଆସିଲା ଝଡ଼  । ତାହା ପୁଣି ବର୍ଷ ଝଡ  । କେହି କିଛି ବୁଝିବା ଆଗରୁ ଯିଏ ଯେଉଁଠି ଥିଲେ, ସେଇଠି ଫସି ରହିଗଲେ  । ହଁ,  ଆମେରିକା ନ୍ୟୁୟର୍କରେ ଦେଖିବାକୁ ମିଳିଛି ଭୟଙ୍କର ବରଫ ଝଡ଼ । ବିଭିନ୍ନ ସ୍ଥାନରେ ୬ ଫୁଟର ବରଫ ଆସ୍ତରଣ ଯୋଗୁ ଫସିଛନ୍ତି ହଜାର ହଜାର ଲୋକ । ଘର ଆଗରେ ପ୍ରବଳ ବରଫପାତ ଯୋଗୁ ଘରୁ ବାହାରିବା ସମ୍ଭବ ହୋଇପାରିନାହିଁ ।

ରାସ୍ତାଘାଟରେ ଫସିଛନ୍ତି ହଜାର ହଜାର ଯାନବାହନ । ତୁଷାରପାତ ଯୋଗୁ ସାରା ସହରରେ ଜୀବନଯାତ୍ରା ଗୁରୁତର ବାଧାପ୍ରାପ୍ତ ହୋଇଛି । ଉଦ୍ଧାର କାର୍ଯ୍ୟରେ ନ୍ୟାସନାଲ ଗାର୍ଡ ମୁତୟନ କରାଯାଇଥିବାବେଳେ ଶତାଧିକ ବିମାନ ଚଳାଚଳ ବାତିଲ କରାଯାଇଛି । ତେବେ ପରିସ୍ଥିତି ସ୍ୱଭାବିକ ହେବା ପର୍ଯ୍ୟନ୍ତ ସମସ୍ତେ ଅପେକ୍ଷା କରିଛନ୍ତି  । ପ୍ରଶାସନ ଏଭଳି ପ୍ରାକୃତିକ ଦୁର୍ବିପାକକୁ ମୁକାବିଲା କରିବା ନିମନ୍ତେ ସମସ୍ତ ପ୍ରକାର ପ୍ରୟାସ ଆରମ୍ଭ କରିଛନ୍ତି  ।