ଚୋରାଚାଲାଣ ବେଳେ ୩୦ କୋଟି ମୂଲ୍ୟର ସାପ ବିଷ ଜବତ

କୋଲକାତା: ସାପ ବିଷ ତସ୍କରୀ । ପଶ୍ଚିମବଙ୍ଗ ସିଲିଗୁଡ଼ିର ଚୋପ୍ରା ବ୍ରିଜ୍ ନିକଟରୁ ୩୦ କୋଟିର ସାପ ବିଷ ଜବତ ହୋଇଛି । ଏକ ବାଇକରେ ସାପ ବିଷ ନେଉଥିବା ବେଳେ ଜଣେ ଯୁବକଙ୍କୁ ଗିରଫ କରିଛି ଘୋଷପୁଖୁର ବନ ବିଭାଗ । ବିଷ ଫ୍ରାନ୍ସରୁ ଆସିଥିବା ଅନୁମାନ କରାଯାଉଥିବା ବେଳେ ବାଂଲାଦେଶରୁ ହେଉଥିଲା ଚାଲାଣ ।

ବର୍ତ୍ତମାନ ସୁଦ୍ଧା ସାପ ଗରଳ ତସ୍କରୀ କେଉଁଠାରେ ଚାଲିଛି ଏବଂ କେଉଁଠାରୁ କେଉଁଠିକୁ ହେଉଥିଲା ଚାଲାଣ, ସେନେଇ ସ୍ପଷ୍ଟ ସୂଚନା ମିଳିନାହିଁ । ଗିରଫ ଯୁବକ ଜଣକ ଚୋପ୍ରା ଅଞ୍ଚଳର । ଏହି ବିଷ ଚୀନ ସହ ବିଭିନ୍ନ ଦେଶକୁ ଚାଲାଣ ହେଉଥିବା ଜଣାପଡିଛି । ତସ୍କରୀରେ କାହାର ହାତ ରହିଛି, କେଉଁମାନେ ଏଥିରେ ସମ୍ପୃକ୍ତ ଅଛନ୍ତି, ତାର ଯାଞ୍ଚ କରୁଛି ବନ ବିଭାଗ ।