ସ୍ମାର୍ଟଫୋନ କିଣୁଥିଲେ ସାବଧାନ! ସଚେତନ ନହେଲେ ଏମିତି ହୋଇପାରନ୍ତି ସାଇବର ଠକଙ୍କ ଶିକାର
1 min read
ଭୁବନେଶ୍ବର: ଦିନଦୁ ଦିନ ଟେକ୍ନୋଲୋଜିର ବହୁଳ ବ୍ୟବହାର ଓ ସତର୍କ ନହେବା କାରଣରୁ ଆମେ ଠକାମିର ଶିକାର ହେଉଛନ୍ତି । ଆଜିକାଲି ସମୟ ଯେପରି ହେଲାଣି ଆମକୁ ଅଧିକରୁ ଅଧିକ ସତର୍କ ହେବାକୁ ପଡ଼ିବ । ଅନ୍ଲାଇନ୍ ଠକାମୀର ମାତ୍ରା ଏତେ ଅଧିକ ବଢ଼ିଯାଇଛି ଯେ ଟିକେ ଅସଚେତନ ହେଲେ ଆପଣଙ୍କୁ ଏହା ମହଙ୍ଗା ପଡ଼ିପାରେ । ଯଦି ଆପଣ ବର୍ତ୍ତମାନ ଏକ ନୂତନ ସ୍ମାର୍ଟଫୋନ୍ କିଣିଛନ୍ତି, ତେବେ ଆପଣ ସତର୍କ ହେବା ଉଚିତ୍, କାରଣ ନୂଆକରି ଲଞ୍ଚ ହୋଇଥିବା ଆଣ୍ଡ୍ରଏଡ୍ ୧୪ ସ୍ମାର୍ଟଫୋନ୍ ସହିତ ଅନ୍ୟ ସଂସ୍କରଣ ପାଇଁ ସରକାର ଏକ ଆଲର୍ଟ ଜାରି କରିଛନ୍ତି। ସରକାରୀ ଏଜେନ୍ସି CRT-INର ଆଲର୍ଟ ପୂର୍ବରୁ ଗୁଗୁଲ୍ ମଧ୍ୟ ବ୍ୟବହାରକାରୀଙ୍କୁ ସତର୍କ କରାଇ ଦେଇଥିଲା। ଫୋନ୍ କିଣିବା ମାତ୍ରକେ ଯଦି ଆପଣ ଆପଣଙ୍କର ଆଣ୍ଡ୍ରଏଡ୍ ସ୍ମାର୍ଟଫୋନରେ ଆପ୍ ଅପଡେଟ୍ କରନ୍ତି କିମ୍ବା ଏକ ନୂତନ ଆପ୍ ଡାଉନଲୋଡ୍ କରନ୍ତି, ତେବେ ଆପଣ ବିପଦରେ ପଡ଼ିପାରନ୍ତି।
ସରକାରଙ୍କ କହିବାନୁସାରେ, ଆଣ୍ଡ୍ରଏଡ୍ ଅପରେଟିଂ ସିଷ୍ଟମରେ ଅନେକ ପ୍ରକାରର ତ୍ରୁଟି ଦେଖିବାକୁ ମିଳିଛି, ଯାହା ହ୍ୟାକର୍ସଙ୍କ ପାଇଁ ଉପକରଣକୁ ନିୟନ୍ତ୍ରଣ କରିବା ପାଇଁ ଯଥେଷ୍ଟ। ଏହା ସହିତ, ସେମାନେ ସହଜରେ ଉପଭୋକ୍ତାଙ୍କର ସମ୍ବେଦନଶୀଳ ତଥ୍ୟ ଚୋରି କରିପାରିବେ। ଏପରି ପରିସ୍ଥିତିରେ, ଆପଣଙ୍କର ଅନଲାଇନ୍ ପେମେଣ୍ଟ୍ ବି ଆପଣଙ୍କ ପାଇଁ ଭାରୀ ପଡ଼ିପାରେ। ଯଦି ଆପଣ ବର୍ତ୍ତମାନ ଆଣ୍ଡ୍ରଏଡ୍ ୧୧, ଆଣ୍ଡ୍ରଏଡ୍ ୧୨, ଆଣ୍ଡ୍ରଏଡ୍ ୧୩ ଏବଂ ଆଣ୍ଡ୍ରଏଡ୍ ୧୪ର ଅପରେଟିଂ ସିଷ୍ଟମ୍ ବ୍ୟବହାର କରିଛନ୍ତି, ତେବେ ଆପଣଙ୍କର ସ୍ମାର୍ଟଫୋନକୁ କ୍ଷତି ହେଇପାରେ।
ଏହାକୁ ଏଡାଇବା ପାଇଁ ସର୍ବୋତ୍ତମ ଉପାୟ ହେଉଛି ଉପଭୋକ୍ତାମାନେ ତୁରନ୍ତ ନିଜ ଫୋନର ସିକ୍ୟୁରିଟିକୁ ଅପଡେଟ୍ କରିବା ଉଚିତ୍। ଗୁଗୁଲ୍ ଦ୍ୱାରା ଏକ ନୂତନ ସୁରକ୍ଷା ପ୍ୟାଚ୍ ପ୍ରକାଶ ପାଇଛି, ଯାହା ବ୍ୟବହାରକାରୀଙ୍କ ଆଣ୍ଡ୍ରଏଡ୍ ସ୍ମାର୍ଟଫୋନକୁ ହ୍ୟାକିଂର ସମ୍ଭାବ୍ୟ ବିପଦରୁ ରକ୍ଷା କରିବ। ଏଥିସହ କୌଣସି ତୃତୀୟ ପକ୍ଷ ଆପ୍ ମାଧ୍ୟମରେ ଫୋନ୍ ଅପଡେଟ୍ କରିବାକୁ ଚେଷ୍ଟା କରନ୍ତୁ ନାହିଁ, ଏବଂ କୌଣସି ଅଜ୍ଞାତ ଲିଙ୍କରେ କ୍ଲିକ୍ କରିବା ଠାରୁ ମଧ୍ୟ ଦୂରେଇ ରୁହନ୍ତୁ।
