ସ୍ମାର୍ଟ ହେଲଥ କାର୍ଡରେ ସୁସ୍ଥ ହୋଇ ଘରକୁ ଫେରିଲେ ଉପେନ୍ଦ୍ର

ରାଉରକେଲା: ରାଉରକେଲାର ଉପେନ୍ଦ୍ର ସିଂଙ୍କୁ ନୂଆ ଜୀବନ ଦେଲା ବିଏସକେଓ୍ବାଇ ସ୍ମାର୍ଟ ହେଲଥ କାର୍ଡ । ୫୪ ବର୍ଷୀୟ ଉପେନ୍ଦ୍ର ଭୁବନେଶ୍ବରର ଏକ ଘରୋଇ ହସ୍ପିଟାଲରେ ମାଗଣାରେ କ୍ୟାନସର ଅପରେସନ ପରେ ସୁସ୍ଥ ହୋଇଛନ୍ତି । ସେକ୍ଟର ୧୬ ମାର୍କେଟରେ ଗୋଟିଏ ଛୋଟ ଫଟୋ ଷ୍ଟୁଡିଓ କରି ଦିନକୁ ଶହେରୁ ଦେଢ ଶହ ଟଙ୍କା ରୋଜଗାର କରୁଥିବା ଉପେନ୍ଦ୍ରଙ୍କ ପକ୍ଷେ ନିଜ ଅର୍ଥରେ କ୍ୟାନସର ଅପରେସନ କରି ସୁସ୍ଥ ହେଵା ସମ୍ଭଵ ନଥିଲା । ସ୍ମାର୍ଟ ହେଲଥ କାର୍ଡ ଜରିଆରେ ମାଗଣାରେ କ୍ୟାନସର ରୋଗର ଚିକିତ୍ସା କରି ସୁସ୍ଥ ହୋଇ ରାଉରକେଲା ଫେରିବା ପରେ ଖୁସିରେ କାନ୍ଦି ପକାଇଵା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ।