LACରେ ଦୁଇ କିଲୋମିଟର ପଛକୁ ଫେରିବାକୁ ବାଧ୍ୟ ହେଲା ଚୀନ୍…
1 min readଲଦାଖର ଗାଲଭାନ୍ ଘାଟିରେ ଭାରତ ଏବଂ ଚୀନ୍ ସେନା ପଛକୁ ଫେରିଛନ୍ତି । ରିପୋର୍ଟ ଅନୁଯାୟୀ, ଚୀନ୍ ସେନା ୨କିଲୋମିଟର ପଛକୁ ଫେରିଥିବା ବେଳେ ଭାରତୀୟ ସେନା ନିଜ ସ୍ଥାନଠାରୁ ୧ କିଲୋମିଟର ପଛକୁ ଫେରିଛି ।
କିଛି ଦିନ ହେବ ଗାଲଭାନ ଘାଟିରେ ଫୋର ଫିଙ୍ଗର ଅଞ୍ଚଳରେ ଭାରତ ଏବଂ ଚୀନ୍ ବାହିନୀ ମଧ୍ୟରେ ତିକ୍ତତା ଲାଗି ରହିଥିଲା । ଏଠାରେ ଥିବା ପେଙ୍ଗୋଙ୍ଗ ଇଲାକା ସବୁଠାରୁ ଅଧିକ ବିବାଦୀୟ ହୋଇ ରହିଛି । ଜୁନ୍ ୬ରେ ହେବାକୁ ଥିବା ଦୁଇ ଦେଶ ମଧ୍ୟରେ ହେବାକୁ ଥିବା ବୈଠକରେ ପେଙ୍ଗୋଙ୍ଗ୍ ଇଲାକା ଉପରେ ଅଧିକ ଆଲୋଚନା ହେବାର ସମ୍ଭାବନା ରହିଛି । ଚୀନ୍ ସେନା ଅନେକ ସପ୍ତାହ ହେବ ଫିଙ୍ଗର ଫୋର୍ ଅଞ୍ଚଳରେ ରହିଛି, ଯାହା କି ଭାରତ ଅଧୀନରେ ଅଛି ।
୬ ଜୁନ୍ରେ ଦୁଇ ଦେଶର ଗୁରୁତ୍ୱପୂର୍ଣ୍ଣ ବୈଠକ
ଲଦାଖର ସୀମାନ୍ତ ଅଞ୍ଚଳରେ ଚୀନ୍ ସେନା ନିଜର ଶକ୍ତି ପ୍ରଦର୍ଶନ କରିବାକୁ ଚେଷ୍ଟା କରୁଛି । ଭାରତୀୟ ସେନା ମଧ୍ୟ ଚୀନ୍ ସେନାକୁ କଡ଼ା ଜବାବ ଦେଉଛି ଏବଂ ତା’ର ଚୀନ୍କୁ ସାମ୍ନା କରୁଛି । ଉଭୟ ପାର୍ଶ୍ୱରୁ ଏନେଇ ଆଲୋଚନା ମଧ୍ୟ ଚାଲିଛି, ହେଲେ ଏବେ ସୁଦ୍ଧା କୌଣସି ନିଷ୍କର୍ସ ବାହାରି ପାରିନାହିଁ । ଏବେ ପୁଣି ଥରେ ଦୁଇ ଦେଶର ସେନା ମଧ୍ୟରେ ଆଲୋଚନା ହେବାକୁ ଯାଉଛି । ଏହି ବୈଠକ ୬ ଜୁନ୍ ହେବ ବୋଲି ସ୍ଥିର କରାଯାଇଛି । ବୈଠକରେ ଉଭୟ ସେନାର ଲେଫ୍ଟନାଣ୍ଟ ଜର୍ଣ୍ଣାଲ ରାଙ୍କର ଅଧିକାରୀମାନେ ସାମିଲ ହେବେ । ଭାରତ ଏବଂ ଚୀନ୍ ମଧ୍ୟରେ ଚାଲିଥିବା ବିବାଦ ପ୍ରସଙ୍ଗକୁ ନେଇ ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ବୈକରେ ଭାରତ ପକ୍ଷରୁ ଲେହ ସ୍ଥିତ ୧୪ କର୍ପ କମାଣ୍ଡର ସଦସ୍ୟ ପ୍ରତିନିଧିତ୍ୱ କରିବେ । ସୀମାରେ ଚାଲିଥିବା ସଙ୍କଟକୁ ଦୂର କରିବା ପାଇଁ ଏହି ଉଚ୍ଚ ସ୍ତରୀୟ ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ ।
ମେ’ ଆରମ୍ଭରୁ ବିବାଦ ଆରମ୍ଭ
ପୂର୍ବ ଲଦାଖରେ ମେ’ ମାସ ଆରମ୍ଭରୁ ଏହି ବିବାଦ ଲାଗି ରହିଛି । ଲଦାଖରେ ଭାରତ ପକ୍ଷରୁ LAC ରେ ସଡ଼କ ନିର୍ମାଣ କାର୍ଯ୍ୟ ଆରମ୍ଭ କରାଯାଇଥିଲଶ ଯାହାକୁ ଯାହାକୁ ଚୀନ୍ ବିରୋଧ କରିଥିଲା । ଏହା ପରେ ଉଭୟ ଦେଶର ସନୈକମାନେ ମେ’ ୫ରେ ପେଙ୍ଗୋଙ୍ଗ ହ୍ରଦ ନିକଟରେ ମୁହାଁମୁହିଁ ହୋଇଥିଲେ । ଏହି ସଂଘର୍ଷରେ ସୈନିକମାନେ ଆହତ ମଧ୍ୟ ହୋଇଥିଲେ । ଏହା ପରେ ଚୀନ୍ ସେନା ଏହି ଅଞ୍ଚଳରେ ନିଜର ଗତିବିଧି ବଢ଼ାଇଦେଲା ଏବଂ ଅଧିକ ସଂଖ୍ୟାରେ ସୈନ୍ୟ ଆସି ସେଠାରେ ତମ୍ବୁ ଟାଣି ରହିଲେ । LACରେ ଚୀନ୍ର ଏହି କାର୍ଯ୍ୟକଳାପକୁ ଦେଖି ଭାରତୀୟ ସେନା ମଧ୍ୟ ଉପଯୁକ୍ତ ଉତ୍ତର ଦେଇଛି ଏବଂ ଭାରତୀୟ ସେନା ମଧ୍ୟ ସେଠାରେ ଡେରା ଜମାଇଥିଲେ ।
