ନିଖୋଜର ୨ ମାସ ପରେ ଉଦ୍ଧାର ହେଲା କଙ୍କାଳ
1 min read
ଫୁଲବାଣୀ: ନିଖୋଜର ୨ ମାସ ପରେ ଉଦ୍ଧାର ହେଲା କଙ୍କାଳ । କନ୍ଧମାଳ ଜିଲ୍ଲା ଉର୍ମାଗଡ଼ ଜଳପ୍ରପାତରେ ଖସି ପଡ଼ିଥିବା ଦଶମ ଶ୍ରେଣୀ ଛାତ୍ରଙ୍କ କଙ୍କାଳ ଉଦ୍ଧାର କରିଛି ଗୋଛlପଡ଼l ପୋଲିସ । କଟ୍ରିଙ୍ଗିଆ ପଞ୍ଚାୟତ ନାକଡିସ ଗାଁର ଲିଙ୍ଗରାଜ ବେହେରାଙ୍କ ପୁଅ ରାଖାଲ ଗତ ଅକ୍ଟୋବର ୮ ରେ ସାଙ୍ଗମାନଙ୍କ ସହ ଉର୍ମାଗଡ଼ ଯାଇଥିଲେ । ଅସାବଧାନତା କାରଣରୁ ଗୋଡ଼ ଖସିଯିବାରୁ ଜଳପ୍ରପାତରେ ଖସି ପଡ଼ିଥିଲେ । ବହୁ ଖୋଜାଖୋଜି ପରେ ବି ତାଙ୍କ ମୃତଦେହ ଉଦ୍ଧାର ହୋଇ ପାରି ନଥିଲା । ରବିବାର ସକାଳେ ଗାଁର କିଛି ଲୋକ ମାଛ ଧରିବା ପାଇଁ ନଦୀକୁ ଯାଇଥିବା ବେଳେ ପଥର ସନ୍ଧିରେ କଙ୍କାଳ ଲାଗିଥିବା ଦେଖିବାକୁ ପାଇଥିଲେ । କଙ୍କାଳରେ ଲାଗି ଥିବା ପୋଷାକରୁ ଏହା ରାଖାଲଙ୍କର ବୋଲି ପରିବାର ଲୋକ ଚିହ୍ନଟ କରିଛନ୍ତି । ଗୋଚ୍ଛାପଡ଼ା ଥାନା ପୋଲିସ କଙ୍କାଳ ଉଦ୍ଧାର କରିବା ସହ ତଦନ୍ତ କରୁଛି ।
