ରଥଯାତ୍ରା ହେବ କି ନାହିଁ ଆଜି ହେବ ନିଷ୍ପତ୍ତି
ପୁରୀ: ଗ୍ରୀନ୍ ଜୋନରେ ପୁରୀ ଜିଲ୍ଲା । ଜୁନ୍ ୨୩ରେ ବିଶ୍ୱ ପ୍ରସିଦ୍ଧ ରଥଯାତ୍ରା । ଦେଶରେ କରୋନା ମହାମାରୀ ଯୋଗୁଁ ଲକଡାଉନ୍ ଅବଧି ବଢ଼ି ଚାଲିଥିବା ବେଳେ ରଥଯାତ୍ରାକୁ ନେଇ ଦେଖାଦେଇଛି ସସପେନ୍ସ । ରଥଯାତ୍ରା ନେଇ ଆଜି ଶ୍ରୀମନ୍ଦିର ପରିଚାଳନା କମିଟିର ଗୁରୁତ୍ୱପୂର୍ଣ୍ଣ ବୈଠକ ବସୁଛି । ଅପରାହ୍ଣରେ ଭିଡିଓ କନଫରେନ୍ସିଂରେ ବୈଠକ ବସିବ ।
ଏଥିରେ ରଥ ନିର୍ମାଣ ନେଇ ଆଲୋଚନା ହେବ । ଗତ ପରିଚାଳନା କମିଟି ବୈଠକ ପରେ ଜଗତଗୁରୁ ଶଙ୍କରାଚାର୍ଯ୍ୟଙ୍କ ପରାମର୍ଶକ୍ରମେ ରଥ କାର୍ଯ୍ୟ ଅନୁକୂଳ ନୀତି ଶ୍ରୀମନ୍ଦିର ଭିତରେ ହୋଇଥିଲା । ତେବେ ଆଜିର ବୈଠକରେ ରଥ ନିର୍ମାଣ କାମ ଓ ରଥଯାତ୍ରା ନେଇ ଆଲୋଚନା ହେବ । ଆସନ୍ତା ୬ ତାରିଖରେ ଗୁଜ ଅନୁକୂଳ ଓ ୧୫ରେ ଭଉଁରୀ ଯାତ୍ରାରେ ଚକଡେରା ନୀତି ରହିଛି ।
