୩ରୁ ସର୍ବସାଧାରଣଙ୍କ ଲାଗି ଖୋଲିବ ଶ୍ରୀମନ୍ଦିର, ଦୈନିକ ଦର୍ଶନ କରିବେ ୧୫ ହଜାର ଶ୍ରଦ୍ଧାଳୁ

ପୁରୀ: ଆସନ୍ତା ୩ ତାରିଖରୁ ସର୍ବସାଧାରଣଙ୍କ ଲାଗି ଖୋଲିବ ପୁରୀ ଶ୍ରୀମନ୍ଦିର । ପୂର୍ବରୁ ଦୈନିକ ୫ ହଜାର ଭକ୍ତ ଦର୍ଶନ କରିପାରିବେ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଥିଲା । ସେବାୟତ ଓ ପୁରୀବାସୀଙ୍କ ଦର୍ଶନ ଅନୁଭୂତି ପରେ ପ୍ରଶାସନ ସାଧାରଣ ଦର୍ଶନ ବ୍ୟବସ୍ଥାକୁ ବଦଳାଇଛି । ନୂଆ ବର୍ଷ ପାଇଁ ୧ ଓ ୨ ତାରିଖ ଦର୍ଶନ ବନ୍ଦ ଥିବାବେଳେ ୩ ତାରିଖରୁ ସାଧାରଣ ଲୋକ ମହାପ୍ରଭୁଙ୍କ ଦର୍ଶନ କରିପାରିବେ । ୫ ହଜାର ପରିବର୍ତ୍ତେ ଦୈନିକ ୧୫ରୁ ୧୭ ହଜାର ଶ୍ରଦ୍ଧାଳୁ ଦର୍ଶନ କରିପାରିବେ ବୋଲି ଶ୍ରୀମନ୍ଦିର ପ୍ରଶାସନ ସୂଚନା ଦେଇଛି ।

ପୂର୍ବରୁ ଦୈନିକ ୫ ହଜାର ଶ୍ରଦ୍ଧାଳୁ ଦର୍ଶନ କରିପାରିବେ ବୋଲି ପ୍ରଶାସନ ନିଷ୍ପତ୍ତି ନେଇଥିଲା । ଦୈନିକ ଦର୍ଶନାଥୀଙ୍କ ସଂଖ୍ୟା ପ୍ରଶାସନ ବୃଦ୍ଧି କରିଥିବା ବେଳେ ପୂର୍ବ କଟକଣା ବଳବତ୍ତର ରହିବ । ପୁରୀ ଜିଲ୍ଲା ବାହାରର ସମସ୍ତ ଭକ୍ତଙ୍କୁ ଶ୍ରୀମନ୍ଦିର ପ୍ରବେଶ ଲାଗି କୋଭିଡ୍ ନେଗେଟିଭ୍ ଦେବା ବାଧ୍ୟତାମୂଳକ । ଏଥିସହ ଭକ୍ତ ମାସ୍କି ପିନ୍ଧି, ସାମାଜିକ ଦୂରତା ରକ୍ଷା କରି ସାନିଟାଇଜ୍ ମନ୍ଦିରକୁ ପ୍ରବେଶ କରିବେ ।

ଏଥିସହ ପଢ଼ନ୍ତୁ- ଅପରାହ୍ନ ୪ଟା ଯାଏଁ ମହାପ୍ରଭୁଙ୍କ ଦର୍ଶନ, ନୂଆବର୍ଷରୁ ବନ୍ଦ