କରୋନା ପାଇଁ ଇଜିପ୍ଟର ଏକ କ୍ରୁଜ୍ରେ ଫସିଛନ୍ତି ୧୭ ଜଣ ଭାରତୀୟ
ସାରା ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ଗୋଟିଏ ପରେ ଗୋଟିଏ ଦେଶ ଏହାର କବ୍ଜାରେ ଆସୁଛି । ଏପରି ସ୍ଥିତିରେ ବାହାର ଦେଶରେ ଥିବା ଲୋକେ ନିଜ ଦେଶକୁ ଆସିବା ପାଇଁ ବିକଳ ହେଉଛନ୍ତି । ଭାରତରେ କରୋନା ସହ ଜଡିତ ମାମଲା ସଂଖ୍ୟା ୪୩ ରେ ପହଞ୍ଚିଛି। ଏହି ସମୟରେ, ଇଜିପ୍ଟ ନିକଟ ନୀଳ ନଦୀରେ ଏକ କ୍ରୁଜ୍ ଉପରେ ନଜର ରଖାଯାଇଛି, ଏହି କ୍ରୁଜରେ ୧୭ ଜଣ ଭାରତୀୟ ମଧ୍ୟ ଉପସ୍ଥିତ ଅଛନ୍ତି। ଏହି ଭାରତୀୟମାନେ ତାମିଲନାଡୁର ଅଟନ୍ତି, ଯେଉଁମାନେ ବୁଲିବାକୁ ଇଜିପ୍ଟ ଯାଇଥିଲେ
ଇଜିପ୍ଟର ଲକ୍ସୋର ସହର ନିକଟସ୍ଥ ନୀଳ ନଦୀରେ ଏକ କ୍ରୁଜ୍ ଉପସ୍ଥିତ ଅଛି ଯାହାର ନାମ ‘ଏ ସାରା’ । ଏହି କ୍ରୁଜରେ ୧୮ ଜଣ ଭାରତୀୟ ଉପସ୍ଥିତ ଅଛନ୍ତି । ଯେଉଁମାନେ ତାମିଲନାଡୁରୁ ଏକ ଟୁର୍ ପ୍ୟାକେଜ୍ ଯାଇଥିଲେ । ଏହି ଗୋଷ୍ଠୀ ୨୭ ଫେବୃଆରୀରେ ଭାରତ ଛାଡିଥିଲା, ୭ ମାର୍ଚ୍ଚରେ ଏହି ଗୋଷ୍ଠୀ ଫେରିବାକୁ ଥିଲା।
ମାର୍ଚ୍ଚ ୬ ରେ ଇଜିପ୍ଟର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଏହି ଜାହାଜ ଯାଞ୍ଚ କରାଯାଇଥିଲା ଏବଂ ସମସ୍ତ ପର୍ଯ୍ୟଟକଙ୍କ ପରୀକ୍ଷା କରାଯାଇଥିଲା। ଏଥିମଧ୍ୟରୁ ମୋଟ ୩୩ ପର୍ଯ୍ୟଟକ ଏବଂ ୧୨ ଜଣ କ୍ରୁ ସଦସ୍ୟ ସକରାତ୍ମକ ବୋଲି ଜଣାପଡିଛି। ଚେନ୍ନାଇରେ ରହୁଥିବା ଜଣେ ପର୍ଯ୍ୟଟକଙ୍କୁ ମଧ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହା ବ୍ୟତୀତ ତାଙ୍କ ପତ୍ନୀଙ୍କୁ ନଜରରେ ରଖାଯାଇଛି।
