ବାବା ଆଖଣ୍ଡଳମଣିଙ୍କ ପୀଠରେ ପ୍ରତ୍ନତତ୍ତ୍ୱ ବିଭାଗର ୬ ଜଣିଆ ଟିମ୍

ଆରଡି: ବାବା ଆଖଣ୍ଡଳମଣିଙ୍କ ମନ୍ଦିର ଓ ପୀଠର ଉନ୍ନତିକରଣ ପାଇଁ ରାଜ୍ୟ ସରକାର ପ୍ରାଥମିକତା ଦେଇଛନ୍ତି । ଏଥିପାଇଁ ପ୍ରାଥମିକ ପ୍ରର୍ଯ୍ୟାୟରେ ସରକାର ୬ କୋଟି ଟଙ୍କା ମଞ୍ଜୁର କରିଛନ୍ତି । ହେଲେ କୋଭିଡ୍ କଟକଣା ପାଇଁ ଦୀର୍ଘମାସ ହେବ କାର୍ଯ୍ୟ ଅଟକି ରହିଥିଲା ।

ଆଜି ପ୍ରତ୍ନତତ୍ତ୍ୱ ବିଭାଗର ୬ ଜଣିଆ ଟିମ୍ ଆରଡି ପୀଠକୁ ଆସି ବାବାଙ୍କ ମନ୍ଦିର ଗର୍ଭଗୃହର ଯାଞ୍ଚ କରିଛନ୍ତି । ଏଥିସହ ମନ୍ଦିର ବେଢା, ୪ ଗୁମୁଟ ମନ୍ଦିର, ଗଳିଘର, ଅଳାଁ, ମୁକ୍ତି ମଣ୍ଡପ ଆଦି ସ୍ଥାନ ବୁଲି ଦେଖିଛନ୍ତି । ନୂତନ ଭାବେ ହେବାକୁ ଥିବା ଯଜ୍ଞ ମଣ୍ଡପ, ଶ୍ରାବଣୀ ମଣ୍ଡପ, ବେଢା ପ୍ରାଚେରିର ସମ୍ଭନ୍ଧରେ ସେବାୟତଙ୍କ ସହ ଆଲୋଚନା କରିଛନ୍ତି ।