STF ପଞ୍ଝାରେ ହାତୀଦାନ୍ତ ତସ୍କର, ବଲାଙ୍ଗୀରରୁ ୬ ହାତୀଦାନ୍ତ ଜବତ

1 min read

ବଲାଙ୍ଗୀର: ଏସଟିଏଫ ପଞ୍ଝାରେ ହାତୀଦାନ୍ତ ତସ୍କର । ବଲାଙ୍ଗୀର ମାଳପଡାରୁ ପ୍ରାୟ ୯ କିଲୋଗ୍ରାମ ଓଜନର ୬ଟି ହାତୀଦାନ୍ତ ଜବତ କରିଛି ଏସଟିଏଫ । ଘଟଣାରେ ମାଳପଡ଼ା ଗ୍ରାମରୁ ବେପାରୀ ନୁରେନ ସେଠକୁ ଗିରଫ କରିଛି ଭୁବନେଶ୍ୱର ସ୍ୱତନ୍ତ୍ର ଟାସ୍କଫୋର୍ସ । ବଲାଙ୍ଗୀର ବନ ଅଧିକାରୀଙ୍କ ସହାୟତାରେ STFର ଏକ ଟିମ୍ ମାଳପଡ଼ା ଗାଁ ନିକଟରେ ଚଢ଼ାଉ କରିଥିଲା । ୨୦୨୦ ପରଠାରୁ, STF ୨୭ଟି ଚିତାବାଘ ଚମଡ଼ା, ୨୪ଟି ହାତୀଦାନ୍ତ, ୭ଟି ହରିଣ ଛାଲ, ୧୩ଟି ଜୀବନ୍ତ ପାଙ୍ଗୋଲିନ୍, ୩୦ କେଜି ୪୦୦ ଗ୍ରାମ ବଜ୍ରକାପ୍ତା କାତି ଓ ୨୭ଟି ଚିତାବାଘ ଛାଲ ଜବତ କରିଛି । ୨ଟି ଚିତାବାଘ ଦାନ୍ତ, ୨୯ଟି ଚିତାବାଘ ନଖ, ୪୬ଟି ଶୁଆ ସହିତ ୬୭ ଜଣ ବନ୍ୟଜନ୍ତୁ ବେପାରୀଙ୍କୁ ଗିରଫ କରିଛି ।