ମାଡୁଛି ଓମିକ୍ରନ, ବିଗୁଡୁଛି ସ୍ଥିତି
ନୂଆଦିଲ୍ଲୀ/ଭୁବନେଶ୍ବର: ଦେଶରେ ଦ୍ରୁତଗତିରେ ମାଡୁ ଚାଲିଛି ଓମିକ୍ରନ । ଦିନକୁ ଦିନ ବିଗିଡିବାରେ ଲାଗିଛି ସ୍ଥିତି । ମହାରାଷ୍ଟ୍ରରେ ସ୍ଥିତି ଜଟିଳ ହେଉଛି । ଦେଶରେ ଏବେ କରୋନା ହଟସ୍ପଟ୍ ପାଲଟିଛି ମୁମ୍ବାଇ ଓ ଦିଲ୍ଲୀ । ୨ ଦିନ ତଳେ ମହାରାଷ୍ଟ୍ରରେ ଦୈନିକ ସଂକ୍ରମଣ ୨ ହଜାର ତଳେ ରହିଥିବା ବେଳେ ଏବେ ଦୈନିକ ମାମଲା ୮ ହଜାର ଟପିଛି । ପଜିଟିଭିଟି ରେଟ୍ ମଧ୍ୟ ପୂର୍ବର ତୁଳନାରେ ଅଧିକ ରହିଛି । ଏହା ଭିତରେ ଅଧିକ ଓମିକ୍ରନ ମାମଲା ଅଧିକ ରହିଛି ।
୭ ମାସ ପରେ ରାଜଧାନୀ ଦିଲ୍ଲୀରେ ହଜାରେ ପାର କରିଛି ଦୈନିକ ସଂକ୍ରମଣ । ସଂକ୍ରମଣ ହାର ୪୨ ପ୍ରତିଶତ ବୃଦ୍ଧି ପାଇଛି । ପଜିଟିଭିଟି ରେଟ୍ ମଧ୍ୟ ୧.୭୩ ପ୍ରତିଶତରୁ ଅଧିକ ରହିଛି । ସ୍ଥିତିକୁ ଦେଖି ରାଜ୍ୟଗୁଡ଼ିକୁ ପୁଣି ସତର୍କ କରାଇଛି ସ୍ବାସ୍ଥ୍ୟ ବିଭାଗ । ଗହଳିକୁ ନିୟନ୍ତ୍ରଣ କରିବା ସହିତ ଟିକାକରଣ ଓ ଟେଷ୍ଟିଂ ଉପରେ ଫୋକସ୍ କରିବାକୁ ସ୍ବାସ୍ଥ୍ୟ ବିଭାଗ ନିର୍ଦ୍ଦେଶ ଦେଇଛି । ଏହା ସହିତ ଓମିକ୍ରନ ମୁକାବିଲା କରିବାକୁ ସ୍ବାସ୍ଥ୍ୟ ଭିତ୍ତିଭୂମି ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦିଆଯାଇଛି ।
ସେପଟେ ଓଡ଼ିଶାରେ ଏବେ ସ୍ଥିତି ଭଲ ଥିଲେ ମଧ୍ୟ ବିପଦ ଟଳିନି । ବିଦେଶ ନଯାଇ ଜଣେ ଓମିକ୍ରନ ଆକ୍ରାନ୍ତ ଚିହ୍ନଟ ହେଲା ପରେ ଚିନ୍ତା ବଢିଛି । ତେବେ ରାଜ୍ୟରେ ଓମିକ୍ରନ ଦ୍ବାରା ଗୋଷ୍ଠୀ ସଂକ୍ରମଣ ହୋଇନି ବୋଲି ସୂଚନା ଦେଇଛି ସ୍ବାସ୍ଥ୍ୟ ବିଭାଗ । ଓମିକ୍ରନର ମୁକାବିଲା କରିବାକୁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତତ ଥିବା କହିଛନ୍ତି ।
