ନନ୍ଦିଘୋଷ ବ୍ୟୁରୋ : ଭଦ୍ରକ ଧାମନଗର ଏନ୍ଏସି ଅଞ୍ଚଳରେ SIR ରେ ବଡ଼ ତ୍ରୁଟି ଅଭିଯୋଗ। ୩ ହଜାର ଲୋକଙ୍କୁ ବାଦ୍ ଦିଆଯାଇଥିବାର ଅଭିଯୋଗ। ଜାଣିଶୁଣି ଉଦ୍ଦେଶ୍ୟମୂଳକ ଭାବେ ଏପରି କରାଯାଇଥିବା ଅଭିଯୋଗ କରି ବିକ୍ଷୋଭ କରିଛି ବିଜେଡି। କାଟଣାପାହି ପଡ଼ିଆରୁ ଏକ ବିଶାଳ ଶୋଭାଯାତ୍ରାରେ ବାହାରି ଶହ ଶହ ଲୋକ NAC ଅଫିସ ଆଗରେ ପହଞ୍ଚି ବିକ୍ଷୋଭ କରିଥିଲେ। ସେଠାରେ ପ୍ରତିବାଦ ସଭା କରିଥିଲେ।
ଏହି ଲୋକମାନେ ବହୁ ବର୍ଷ ହେଲା ଏଠାରେ ରହି ଆସୁଛନ୍ତି। ପୂର୍ବର ନିର୍ବାଚନରେ ଭୋଟ ବି ଦେଉଛନ୍ତି। ଆବଶ୍ୟକ କାଗଜପତ୍ର ଦାଖଲ କରିଥିଲେ ମଧ୍ୟ ଭୋଟର ତାଲିକାରୁ ସେମାନଙ୍କ ନାମ ବାଦ ଦିଆଯାଇଛି। କିନ୍ତୁ ଏନ୍ଏସି ବାହାରେ ରହୁଥିବା ୨ ଶହରୁ ଅଧିକ ଲୋକଙ୍କୁ ଏନଏସି ବାସିନ୍ଦା ଦର୍ଶାଇ ସେମାନଙ୍କୁ ଭୋଟର ତାଲିକାରେ ସାମିଲ କରାଯାଇଛି। ଏ ସବୁ ଅଭିଯୋଗର ନିରପେକ୍ଷ ତଦନ୍ତ କରିବାକୁ ଦାବି ହୋଇଛି। ଜିଲ୍ଲାପାଳଙ୍କ ଉଦ୍ଦେଶ୍ୟରେ ତହସିଲଦାରଙ୍କ ଜରିଆରେ ଏକ ସ୍ମାରକ ପତ୍ର ବି ଦିଆଯାଇଛି।
