ଏକକ ପ୍ରବେଶିକା ପରୀକ୍ଷାରେ କେନ୍ଦ୍ରୀୟ ବିଶ୍ବବିଦ୍ୟାଳୟ

1 min read

ନୂଆଦିଲ୍ଲୀ: କମନ୍ ୟୁନିଭରସିଟି ପ୍ରବେଶିକାରେ ଯୋଗଦେବାକୁ ଦେଶର ସମସ୍ତ କେନ୍ଦ୍ରୀୟ ବିଶ୍ୱବିଦ୍ୟାଳୟକୁ ନିର୍ଦ୍ଦେଶ ଦେଇଛି କେନ୍ଦ୍ର ଶିକ୍ଷା ମନ୍ତ୍ରାଳୟ । ଚଳିତ ବର୍ଷ ଦେଶରେ ସ୍ନାତକୋତ୍ତର ଆଡିମିଶନ ପାଇଁ ଓ୍ୱାନ୍ ନେସନ-ଓ୍ୱାନ୍ ଏକଜାମ୍ ପାଇଁ ନିଷ୍ପତ୍ତି ନେଇଛନ୍ତି କେନ୍ଦ୍ର ସରକାର । ଏଥିପାଇଁ ଦେଶର ସମସ୍ତ କେନ୍ଦ୍ରୀୟ ବିଶ୍ୱବିଦ୍ୟାଳୟକୁ ନିର୍ଦ୍ଦେଶ ଦିଆଯାଇଥିବାବେଳେ ଯେଉଁ ମହାବିଦ୍ୟାଳୟ ଏହି ପରୀକ୍ଷାରେ ସାମିଲ ହେବାକୁ ଚାହିଁବେ ଯୋଗ ଦେଇପାରିବେ ବୋଲି କୁହାଯାଇଛି । ପରୀକ୍ଷା ଦାୟିତ୍ୱ ନ୍ୟାସନାଲ ଟେଷ୍ଟିଂ ଏଜେନ୍ସି-NTAକୁ ଦିଆଯାଇଛି ।

ଦେଶରେ ସବୁ ଅଞ୍ଚଳର ଛାତ୍ରଛାତ୍ରୀଙ୍କୁ ଗୋଟିଏ ପ୍ଲାଟଫର୍ମ ଏବଂ ସମାନ ସୁଯୋଗ ପ୍ରଦାନ କରିବା ପାଇଁ ଏହି ବ୍ୟବସ୍ଥା କରାଯାଇଛି । ପରୀକ୍ଷା କେଉଁ ମାଧ୍ୟମରେ ହେବ, ପ୍ରଶ୍ନର ଢ଼ାଞ୍ଚା କ’ଣ ରହିବ ସେ ବିଷୟରେ ସମସ୍ତ ତଥ୍ୟ NTA ୱେବସାଇଟ୍- www.nta.ac.inରେ ଏବଂ କେନ୍ଦ୍ରୀୟ ବିଶ୍ୱବିଦ୍ୟାଳୟର ୱେବସାଇଟ୍-www.cuo.ac.inରେ ଉପଲବ୍ଧ ରହିବ । ଏହି ଏକକ ପରୀକ୍ଷାରେ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ ୫ ବର୍ଷ ଇଣ୍ଟିଗ୍ରେଟେଡ୍ ଗଣିତ,  ୧୨ଟି PG ପ୍ରୋଗ୍ରାମ ଓ ଗୋଟିଏ B.Ed. ପ୍ରୋଗ୍ରାମ୍ ପାଇଁ ପ୍ରବେଶିକା ପରୀକ୍ଷା ହେବ । ଏହାଦ୍ବାରା ଯେ କୌଣସି ୟୁନିଭରସିଟିକୁ ଦେଶର ଯେକୌଣସି ସ୍ଥାନର ଛାତ୍ରଛାତ୍ରୀ ପାଠପଢ଼ିବା ପାଇଁ ଆସିପାରିବେ ।

[DISPLAY_ULTIMATE_SOCIAL_ICONS]