ସେଲ୍ଫି ପାଇଁ ସୋନୁ ନିଗମଙ୍କ ସହ ଠେଲା ପେଲା, ଥାନାରେ ପହଞ୍ଚିଲେ କଣ୍ଠଶିଳ୍ପୀ
ନୂଆଦିଲ୍ଳୀ: ସୋମବାର ମୁମ୍ବାଇର ଚେମ୍ବୁରଠାରେ ଏକ ସଂଗୀତ କାର୍ଯ୍ୟକ୍ରମରେ କଣ୍ଠଶିଳ୍ପୀ ସୋନୁ ନିଗମ ଓ ତାଙ୍କ୍ ଟିମ୍ ସହ ଦୁର୍ବ୍ୟବହାର ହୋଇଥିବା ଅଭିଯୋଗ ହୋଇଛି। ଅଭିଯୋଗ ନେଇ ପୋଲିସ୍ ଷ୍ଟେସନ୍ରେ ପହଞ୍ଚିଛନ୍ତି ନିଜେ ସୋନୁ।
ସଂଗୀତ କାର୍ଯ୍ୟକ୍ରମର ଏକ ଭିଡିଓ ଏବେ ଖୁବ୍ ଜୋର୍ରେ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ଭିଡିଓରେ ସୋନୁଙ୍କ ଟିମ୍ର ବୋଲି କୁହାଯାଉଥିବା ଜଣେ ସଦସ୍ୟଙ୍କୁ କିଛି ଲୋକ ଟାଣି ଟାଣି ମଞ୍ଚ ତଳକୁ ଆଣୁଥିବା ଦେଖିବାକୁ ମିଳିଛି। ଏହି ଘଟଣା ଘଟିବା ପରେ କଣ୍ଠଶିଳ୍ପୀ ସୋନୁ ଚେମ୍ବୁର ପୁଲିସ୍ ଷ୍ଟେସନ୍ ଯାଇ ପୁଲିସ୍ ସହାୟତା ଲୋଡ଼ିଛନ୍ତି। ତେବେ ପୋଲିସ୍ ଏତଲା ଗ୍ରହଣ କରିବା ପରେ ଭିଡିଓଟିର ତଦନ୍ତ ଆରମ୍ଭ କରିଛି।
ସୂଚନା ମୁତାବକ, ମୁମ୍ବାଇ ଚେମ୍ବୁରରେ ଲାଇଭ ପରଫର୍ମମାନ୍ସ ପରେ ସୋନୁ ନିଗମ ବାହାରକୁ ବାହାରିଥିଲେ । ସିଢିରେ ଓହ୍ଲାଉଥିବାବେଳେ ସ୍ୱପି୍ନଲ ପ୍ରକାଶ ନାଁରେ ଜଣେ ଯୁବକ ତାଙ୍କୁ ସେଲ୍ଫି ନେବାକୁ କହି ଠେଲିଦେଇଥିଲା । ଫଳରେ ସିଢି ଉପରେ ପଡିଯାଇଥିଲେ ସୋନୁ । ଏହାପରେ ସେ ତୁରନ୍ତ ପୁଲିସରେ ମାମଲା ଦାଏର କରିଛନ୍ତି ।
