ରାପର ହନି ସିଂଙ୍କ ସହିତ ଦିଲ୍ଲୀ କ୍ଲବରେ ମାରପିଟ୍
ନୂଆଦିଲ୍ଲୀ: ପ୍ରସିଦ୍ଧ ରାପର ସିଙ୍ଗର ହନି ସିଂଙ୍କ ସହିତ ମାରପିଟ୍ ମାମଲା ସାମ୍ନାକୁ ଆସିଛି । ଘଟଣା ଦିଲ୍ଲୀର ଏକ କ୍ଲବରେ ଘଟିଛି । ପୋଲିସ୍ ଏହି ମାମଲାରେ ୪ରୁ ୫ ଜଣ ଲୋକଙ୍କ ବିରୁଦ୍ଧରେ ମାମଲା ରୁଜୁ କରିଛି । ଗଣମାଧ୍ୟମ ଖବର ଅନୁସାରେ ଘଟଣା ୨୭ ମାର୍ଚ୍ଚର । ହନି ସିଂ ଦିଲ୍ଲୀର ସାଉଥ୍ ଏକ୍ସଟେନସନ ସ୍ଥିତ ସ୍କୋଲ କ୍ଲବରେ ଲାଇଭ୍ ପର୍ଫମାନ୍ସ ଦେବାକୁ ପହଞ୍ଚିଥିଲେ । ତାଙ୍କ ଅଭିଯୋଗ ଅନୁସାରେ ମାରପିଟ୍ କରିବା ସହିତ ଖରାପ ବ୍ୟବହାର ମଧ୍ୟ ହୋଇଥିଲା ।
ଖବର ଅନୁସାରେ କିଛି ଯୁବକ ଜବରଦସ୍ତ ମଞ୍ଚ ଉପରେ ଚଢ଼ି ଯାଇଥିଲେ ଏବଂ ହନି ସିଂଙ୍କୁ ସହିତ ମାରପିଟ୍ କରିବା ଆରମ୍ଭ କରିଦେଲେ । କେବଳ ସେତିକି ନୁହେଁ ‘ଶୋ’ ବନ୍ଦ କରିବାକୁ ମଧ୍ୟ ଉଦ୍ୟମ କରିଥିଲେ । କେବଳ ସେତିକି ନୁହେଁ ବରଂ ମଞ୍ଚ ଉପରେ ମଦ ବୋତଲ ଦେଖାଇ ଉପସ୍ଥିତ କଳାକାରଙ୍କୁ ତଳକୁ ଧକ୍କା ମାରି ଦେଇଥିଲେ । ହନି ସିଂ’ଙ୍କୁ ଟଣାଓଟରା କରିବା ଆରମ୍ଭ କରିଦେଲେ । ନିଜକୁ ବଞ୍ଚାଇବାକୁ ଚେଷ୍ଟା କରିଥିଲେ ହନି । କିନ୍ତୁ ସେମାନେ ତାଙ୍କୁ ମାରପିଟ୍ କରିବାକୁ ଉସୁକାଇଥିଲେ । ତେବେ କିଭଳି ହେଉ ସେଠାରୁ ଏମାନେ ନିଜକୁ ବଞ୍ଚାଇ ଚାଲି ଆସିଥିଲେ ।
