ସାମ୍ନାକୁ ଆସିଲା ଗୀତିକାର ଦେବେଶ ପତିଙ୍କ ସୋସିଆଲ ମିଡିଆ ଚାଟ୍
ଭୁବନେଶ୍ୱର : ସାମ୍ନାକୁ ଆସିଲା ଗୀତିକାର ଦେବେଶ ପତିଙ୍କ ସୋସିଆଲ ମିଡିଆରେ ଚାଟ୍ ମେସେଜ । ବିଳମ୍ବିତ ରାତିରେ ଏକାଧିକ ଯୁବତୀଙ୍କୁ ପ୍ରେମ ନିବେଦନ କରୁଥିଲେ ଦେବେସ୍ । କାହାକୁ ବିଳମ୍ବିତ ରାତିରେ ଭିଡିଓ କଲ କରୁଥିଲେ ତ ଆଉ କାହାକୁ ମେସେଜ । ବାରମ୍ବାର ପ୍ରେମ ନିବେଦନ କରିଥିଲେ । ବାରମ୍ବାର କଥା ହେବାକୁ ବାଧ୍ୟ କରୁଥିଲେ । ହାଲୋ, ହାଏ କରି ଫଶେଇବାକୁ ଚେଷ୍ଟା କରୁଥିଲେ । ଦେବେଶ ଗିରଫ ହେବା ପରେ ଏବେ ଅନେକ କଥା ସାମ୍ନାକୁ ଆସିଛି । ଲଭ ସେକ୍ସ ଧୋକା ଅଭିଯୋଗରେ ତାଙ୍କୁ ଗିରଫ କରିଛି ନୟାପଲ୍ଲୀ ଥାନା ପୋଲିସ । ଭଦ୍ରକ ଅଞ୍ଚଳର ଜଣେ ଯୁବତୀଙ୍କୁ ଭଲ ପାଇ ଠକି ଦେଇଥିଲେ ଓଡ଼ିଆ ସିଙ୍ଗର ଦେବେଶ । ଯୁବତୀ ଜଣଙ୍କ ଦେବେଶଙ୍କ ନାଁରେ ନୟାପଲ୍ଲୀ ଥାନାରେ ଅଭିଯୋଗ କରିଥିଲେ ।
ଅନ୍ୟପଟେ ନିଶା ଦେଇ ଗର୍ଭନଷ୍ଟ କରିବାର ଆସିଥିଲା ସାଙ୍ଘାତିକ ଅଭିଯୋଗ । ନୟାପଲି ଥାନା ପୋଲିସ କେଶ ନମ୍ବର 103/2023 ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ପାତ୍ରପଡାରୁ ଦେବେଶ କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ବିବାହର ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିବା ନେଇ ହୋଇଥିଲା ଅଭିଯୋଗ ।
ପଢନ୍ତୁ ଏହି ଖବର : ଜାନୁଆରୀ ୧୭ତାରିଖରେ ହେବ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ପ୍ରତିଷ୍ଠା
