ନୂଆଦିଲ୍ଲୀ: ଗତ କିଛି ଦିନ ହେବ ୟୁଜର୍ସ ମାନେ ହ୍ବାଟ୍ସଆପ୍ ଛାଡି ସିଗନାଲ୍ ଆପ ଆଡକୁ ମୁହାଁଇବାରେ ଲାଗିଛନ୍ତି। ହେଲେ ଏହି ଆପ୍ କେତେ ସୁରକ୍ଷିତ ସେନେଇ ମଧ୍ୟ ଏକପ୍ରକାର ସନ୍ଦେହରେ ରହୁଛନ୍ତି ଏହାର ୟୁଜର୍ସ ମାନେ।
ସୂଚନା ଅନୁଯାୟୀ ହ୍ବାଟ୍ସଆପର ନୂଆ ପଲିସିକୁ ନେଇ ୟୁଜର୍ସଙ୍କ ଗହଣରେ ଅସନ୍ତୋଷ ପ୍ରକାଶ ପାଇଛି। ଆଉ ଏହାର ଫାଇଦା ମିଳୁଛି ସିଗନାଲ୍ ଆପକୁ। ଏପରିକି ସିଗନାଲ୍ ଆପ୍ ଡାଉନଲୋଡ ଆପ୍ସର ଚାର୍ଟରେ ଉପରକୁ ଉଠିଛି।
ଏଭଳି ସମୟରେ ସିଗନାଲ୍ ଆପର ପ୍ରାଇଭେସିକୁ ନେଇ ପ୍ରଶ୍ନ ଉଠିଛି। କେତେକ ମିଡିଆ ରିପର୍ପଟ ମୁତାବକ ଏହି ଆପ୍ ଖୁବ୍ ସୁରକ୍ଷିତ। ଏସମ୍ପର୍କିତ ପ୍ରଶ୍ନର ଉତ୍ତରରେ କମ୍ପାନୀର ସିଓଓ ଅରୁଣା ହାଡର କହିଛନ୍ତି ଯେ ସିଗନାଲ୍ ଆପ ୟୁଜର୍ସଙ୍କୁ ସେମାନଙ୍କର ଡିଟେଲ୍ ମାଗିନଥାଏ।
ତାଙ୍କ କହିବାନୁଯାୟୀ ଯଦି ଆପ୍ ଡିଟେଲ୍ ମାଗୁନାହିଁ ତାହେଲେ ଆଉ କୌଣସି ପ୍ଲାଟଫର୍ମ ସହ ଡାଟା ଶେୟାର କରିବାର ପ୍ରଶ୍ନ ଉଠୁନାହିଁ। ଖାସ୍ କରି ସିଗନାଲ୍ ଆପ୍ ଆପଣଙ୍କ ଚାଟ୍ ବ୍ୟାକଅପକୁ ଅନଲାଇନ୍ ଷ୍ଟୋରେଜକୁ ପଠାଇନଥାଏ। ଯାହାର ଅର୍ଥ ଆପଣଙ୍କର କଥାବାର୍ତ୍ତାର ଡାଟା ଫୋନରେ ସେଭ୍ ହୋଇନଥାଏ।
ସିଗନାଲ ଆପର ଜଣେ ଅଧିକାରୀ କହିଛନ୍ତି ଯେ ୟୁଜର୍ସଙ୍କ ପ୍ରାଇଭେସି ଆମର ପ୍ରଥମ ପ୍ରାଥମିକତା। ଆଉ ଆମେ ଗ୍ୟାରେଣ୍ଟି ଦେଉଛୁ ଯେ ଏହି ଆପ୍ କେବେବି ୟୁଜର୍ସଙ୍କର ପର୍ସନାଲ୍ ଡାଟା ମାଗିବ ନାହିଁ।
ସୂଚନାଯୋଗ୍ୟ, ନିକଟରେ ହ୍ବାଟ୍ସଅପ୍ ନିଜ ପ୍ରାଇଭେସି ପଲିସିରେ କିଛିଟା ପରିବର୍ତ୍ତନ ଆଣିଥିଲା । ଯାହା ମୁତାବକ ୟୁଜର୍ସଙ୍କ ତଥ୍ୟ ଗୁଡିକୁ ଫେସବୁକ୍ ଓ ଇନଷ୍ଟାଗ୍ରାମ ସହ ଶେୟାର କରାଯିବ । ଯଦି ୟୁଜର୍ସ ମାନେ ଫେବୃଆରୀ ୮ ତାରିଖ ସୁଦ୍ଧା ଏନେଇ ସହମତି ନଦିଅନ୍ତି ତାହେଲେ ସେମାନଙ୍କ ଆକାଉଣ୍ଟ ଡିଲିଟ୍ କରି ଦିଆଯିବ। ଆଉ ଯେଉଁ ପଲିସିକୁ ସରକାରଙ୍କ ଦ୍ୱାରା ଯାଞ୍ଚ କରାଯିବ ।
ୟୁଜର୍ସଙ୍କ ତଥ୍ୟ ଗୁଡିକୁ କମ୍ପାନୀ ପକ୍ଷରୁ ପେରେଣ୍ଟ କମ୍ପାନୀ ଫେସବୁକ୍ ସହ ଶେୟାର କରାଯିବ । ଖାଲି ଏତିକି ନୁହେଁ ଏହାକୁ ଫେସବୁକର ସହଯୋଗୀ ମାନଙ୍କ ସହ ମଧ୍ୟ ଶେୟାର କରାଯିବ । ଯେଉଁ ଡାଟାରେ ୟୁଜର୍ସଙ୍କ ଲୋକେସନ୍, ୟୁସେଜ୍ ପେଟର୍ନ, ଫୋନ୍ ନଂ ଓ କଣ୍ଟାକ୍ଟ ଲିଷ୍ଟ ଆଦି ସାମିଲ ରହିବ। ହେଲେ କମ୍ପାନୀର ଏହି ପଲିସିକୁ ନେଇ ଖୁସି ନାହାଁନ୍ତି ୟୁଜର୍ସ । ଏହି ପଲିସିକୁ ବିଭିନ୍ନ ଏଣ୍ଟରପ୍ରିନ୍ୟୋର୍, ପ୍ରାଇଭେସି ଆଡଭୋକେଟ୍ସ ଓ ଏଜେନ୍ସି ମାନେ ବିରୋଧ କରିଛନ୍ତି । ଏହି ବିରୋଧର ପରିମାଣ ଏତେ ବଢୁଛି ଯେ ଏବେ ୟୁଜର୍ସ ମାନେ ହ୍ବାଟ୍ସଆପ ବଦଳରେ ସିଗନାଲ୍ ଆପ୍ ଆଡେ ମୁହାଁଉଛନ୍ତି ।
