SIଙ୍କ ଆତ୍ମହତ୍ୟା ଘଟଣା, IICଙ୍କ ନାମରେ ସଙ୍ଗୀନ ଅଭିଯୋଗ

ଟାଙ୍ଗୀ: ମହିଳା ଏସଆଇଙ୍କ ଆତ୍ମହତ୍ୟା ଘଟଣାରେ ଚାଞ୍ଚଲ୍ୟକର ପ୍ରତିକ୍ରିୟା ଦେଲେ ଏସଆଇଙ୍କ ଭାଇ । ଥାନା ଆଇଆଇସି ଦେଉଥିଲେ ମାନସିକ ନିର୍ଯାତନା । କଥା କଥାକେ ଗାଳିଗୁଲଜ କରୁଥିଲେ । ପ୍ରତିଦିନ ଏସଂପର୍କରେ ସ୍ବାଗତିକା କାନ୍ଦି କାନ୍ଦି ଘରକୁ ଫୋନ କରୁଥିଲେ ବୋଲି ତାଙ୍କ ଭାଇ କହିଛନ୍ତି ।

ଗତକାଲି ରାତିରେ ମଧ୍ୟ ଅନ୍ୟ କର୍ମଚାରୀଙ୍କ ସ୍ମୁଖରେ ଗାଳିଗୁଲଜ କରିବା ସହ ଥାନାରୁ ବାହାରିଯିବାକୁ କହିଥିଲେ ଆଇଆଇସି । ମୃତ ସ୍ବାଗତିକାଙ୍କ ଏହା ଥିଲା ପ୍ରଥମ ପୋଷ୍ଟିଂ । ପୋଲିସ ଟ୍ରେନିଂ ସାରି ଜି ଉଦୟଗିରୀ ଥାନାରେ କିଛି ମାସ ତଳେ କାର୍ଯ୍ୟରେ ଯୋଗଦେଇଥିଲେ । ଥାନାରୁ ନ୍ୟାୟ ମିଳିବ ନାହିଁ । କ୍ରାଇମବ୍ରାଞ୍ଚ ତଦନ୍ତରେ ସତ୍ୟ ପଦାକୁ ଆସିବ ବୋଲି କହିଛନ୍ତି ମୃତ ଏସଆଇଙ୍କ ଭାଇ ମୋନରଞ୍ଜନ ।