ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟରେ ଶୁବମନଙ୍କ ଶତକ, ଭାଙ୍ଗିଲେ ଗାଭାସ୍କରଙ୍କ ରେକର୍ଡ
1 min read
ନନ୍ଦିଘୋଷ ବ୍ୟୁରୋ: ଇଂଲଣ୍ଡ ବିପକ୍ଷ ଦ୍ବିତୀୟ ଟେଷ୍ଟରେ ଭାରତୀୟ କ୍ରିକେଟ ଟଇମ୍ ଅଧିନାୟକ ଶୁବମନ ଗିଲଙ୍କ ଦମଦାର ପ୍ରଦର୍ଶନ । ଦ୍ବିତୀୟ ଇଂନିସରେ ମାରିଲେ ଶତକ । ପ୍ରଥମ ଇଂନିସରେ ଦ୍ବିଶତକ ମାରିଥିବା ବେଳେ ଦ୍ବିତୀୟ ଇଂନିସରେ ବି ଶତକ । ଏହାସହ ଭାଙ୍ଗିଲେ ସୁନୀଳ ଗାଭାସ୍କରଙ୍କ ରେକର୍ଡ ।
ସୂଚନାଯୋଗ୍ୟ, ଭାରତୀୟ ଭାବେ ଗାଭାସ୍କରଙ୍କ ପରେ ଏହି କୃତିତ୍ବ ହାସଲ କରିବାରେ ସେ ହେଉଛନ୍ତି ଦ୍ବିତୀୟ । ଅଧିନାୟକ ଭାବେ ଏହି କୃତିତ୍ବ ହାସଲ କରିବାରେ ପ୍ରଥମ ଭାରତୀୟ । ଏହାସହ ବିଶ୍ବରେ ନବମ କ୍ରିକେଟର ଭାବେ ସେ ଏହି ସଫଳତା ପାଇଛନ୍ତି ।
ଇଂଲଣ୍ଡ-ଇଣ୍ଡିଆ ଟେଷ୍ଟ ସିରିଜର ଦ୍ଵିତୀୟ ମ୍ୟାଚ ବର୍ମିଂହମର ପ୍ରଥମ ଇନିଂସରେ ଶୁବମନ ଗିଲ କରିଥିଲେ ୨୬୯ ରନ । ଏହି ମ୍ୟାଚରେ ଦ୍ଵିତୀୟ ଇନିଂସରେ ସେ ଆକର୍ଷଣୀୟ ଶତକ ହାସଲ କରିଛନ୍ତି । ଆଜି ମ୍ୟାଚର ଚତୁର୍ଥ ଦିନ ହୋଇଥିବା ବେଳେ ଚା’ ପାନ ବିରତି ସୁଦ୍ଧା ଭାରତ ୪ ୱିକେଟ ହରାଇ କରିଛି ୩୦୪ ରନ୍ । ପନ୍ତ ୬୫ ରନ୍ କରିଛନ୍ତି । ଚା ପାନ ବିରତି ସୁଦ୍ଧା ଭାରତ ମୋଟ ୪୮୪ ରନ୍ ଲିଡ୍ କରିଛି । ଭାରତ ପ୍ରଥମ ଇନିଂସରେ ୫୮୭ ରନ କରିଥିବା ବେଳେ ଇଂଲଣ୍ଡ ପ୍ରଥମ ଇନିଂସରେ କରିଥିଲା ୪୦୭ ରନ ।
